BRANCH 114 TELNA TUR LBS SUZUKI 1st INTER BRANCH YMA FUTSAL TOURNAMENT 2025 PET HAWN A NI

#ZONEWS July 26, 2025: Mizoram Football Association leh Central YMA tangkawpin an buatsaih ‘LBS Suzuki 1st Inter Branch YMA Futsal Tournament 2025’ pet hawnna leh fixtures tlangzarhna, July ni 25, 2025 (Zirtawpni) zan khan Central YMA Hall, Tuikhuahtlangah neih a ni.

Zan dar 7:00 ah Manager’s Meeting neih hmasak niin, Tournament atana tul leh pawimawh hrang hrang inhrilhhriat a ni.
Pen hawn leh Fixtures tlangzarhna hun hi Pu MS Ralte, Central YMA-Fin Secy in a kaihruaiin, Tv RL Zothanmawia, Central Sports Sub Cmt. Asst Secy in hunserh a hmang a. Tv Darremsanga Renthlei, Central Sports Sub Cmt. Secy in inhrilhhriattirna leh report a pe.

Pu Lalruatsanga, MFA Vice President in thusawina hun hmangin, Sponsor LBS Suzuki atangin R. Lalnunfela, Senior Manager-in thusawi leh pet hawn hun a hmang. Pu Ronneihthanga, Central YMA- Treasurer in thusawi leh Fixtures tlangzarhna hun a hmang.
July 28, 2025 (Mon) atangin R. Dengthuama Indoor Stadium, Mualpui-ah khelh tan a ni dawn a, Knock Out hmanga khelh tur niin, 1st Round atanga Round of 16 thleng hi Time Running (20+5+20) in khelh a ni ang a, Quarter Final atangin Time Stop hmangin khelh chhoh a ni thung ang.

Issued by Information, Publicity & Documentation Committee, Mizoram Football Association