ZONEWS FIANRIAL: “PATHIAN TEL LO HLAWHTLINNA HI CHU REILOTEAH A THAMRAL LEH MAI ṬHIN”

#ZONEWS #FIANRIAL July 22, 2025:
Vawiin chu Juda Lal Amazia chanchin ngaihtuahho ila. Lal Amazia khan Israel sipaite a ruaia, a hnu lawkah ama lakah an rawn tuan ta thung a ni tih kan hria a. Amazia kha a chapo avangin Pathian thu a zawm duh lova, a tawpah hneha awmin, hnawhchhuah a nihna hmunah a thi ta tih kan hria a ni. Amazia chanchin hian Pathian kalsan leh chapona inhnehtir hlauhawmzia min hrilh a ni.

II Chronicles 25:19 “Nang hian, ‘Ngai teh, Edom chu ka hneh,’ tiin i chapo a ni hi, i inah tawm hle hle mai rawh; nang leh Juda ram chawp chawpa chhiatna, i tana pawi tûr thil engah nge I chawh chhuah dâwn ni?” tiin mi a tir ve a.

Pathian kaihhruaina zawng lova nangma chakna leh i thilneihahte innghah duh zawkna i nei ṭhin em?

Lal Amazia chanchin hian chapona hlauhawmzia leh thuhnuairawlhna pawimawhzia min zirtir a ni. Amazia khan a tirah a pa thattu fateho chu zuahin fing takin bul a ṭan a, Edom-ho do turin Israel sipai nuai khat zet mai a ruai zui a. Nimahsela, zawlnei pakhat chuan chung sipai a rawihhote chu thawn haw turin a hrilh a, Pathian duhdan a nih loh thu a hrilh a ni.

Kan tumdan leh inbuatsaihna kalh ni a kan hriat chang hian engvanga Pathian ruahmannaa rinna nghah harsa ti nge kan nih ṭhin le?

Zawlnei thupek chu zawm mahsela, Amazia sipai rawihte ho chuan Juda khawpuite chu an rawk zui ta zawk a, chuvang chuan Amazia chu khakna leh thinrimnain a lo khat ta a. Chu thil thleng chuan Pathian a hawisan tir a, Pathian kaihhruaina lak atangin a thinlung chu a khar pha ta hial a ni.

Kan ruahmanna anga thil a kal lohvin Pathian duhdan ni lova mahni thu anga kal mai duhna rilru kan pu ve ṭhin em?

Indonaa a hlawhtlin avangin Amazia chapona chu a lo zual zel a, mahse chu chapona chu a tlukna hmun dawhsanah a lo chang ta a ni.

He chanchin hian thuhnuairawlhna leh Pathian duhdan anga awm reng a pawimawhzia min hrilh nawn a. Kan chakna leh hlawhtlinnate hi kan theihna emaw, kan chapopuinaah emaw a innghat lova, Pathianah chauh a in nghat a ni tih hi i hre reng ang u.

NGUN TAKIN NGAIHTUAH ILA!
Kan nuna hlawhtlinna leh hnehna kan chan laite ngaihtuah ila. Pathian hnenah ropuina kan hlan nge, chapopui nan kan hmang zawk ṭhin le?

Kan hlawhtlinna chan zawng zawngte hi Pathian thiltum tihlawhtlingtura Pathianin hun rem chang min pek, Pathian thilthlawnpek chu a ni tih i hre reng ṭhin ang u.

ṬAWNGṬAINA

Tin, Israel lal Joasa chuan Juda lal Amazia hnênah, “Lebanon tlâng hlingin Lebanon tlanga sidar thing hnênah, “I fanu kha ka fapa nupuiah neitir teh khai, ‘ tiin a chah a; tin, Lebanon tlânga ramsa a lo kal a, hling chu a rawn chil thlu ta der mai a. – II Chronicles 25:18

Aw Lalpa, hnehna leh malsawmna min pek zawng zawngah hian, ka ngaihtuah fo a ka invenna tur chu, nangmah min kalsan tir thei chapona leh chuta ngaihtihthatna chu a ni tih ka hriain ka pawm e. Ka duhdan lo ang a thil a lo thlen changin, nang chu ka tana thaber tur hretu i ni a, engkim chu i thuhnuaia awm vek a ni tih hria a, rilru dik ka put reng theihna turin nangin ka ngaihtuahnate min neih sak ang che. Tunah hian, Amazia anga mihringin kan siamchawp pathiante biak duhna thinlung chu ka paih bo a. Aw Lalpa, Nangma min kohna leh I lak atanga min botir thei thil tih zawng zawng chu ka dodal a ni. Aw Lalpa, ka duhdan ni lova thil a lo thlen chang pawhin, engkim chungah i awm a ni tih hi min hriat nawn tir ang che. Ka suangtuahna aia nasa leh ropui chu nang chuan i thlentir thei si a. Isua hmingin, Amen.