2-DAMPA (ST) AC BY-ELECTION INBUATSAIHNA ATAN EVM/VVPAT FIRST LEVEL CHECKING NEIH ZAWH A NI

#ZONEWS Mamit August 21, 2025 : 2- Dampa (ST) AC By-Election inbuatsaihna atana EVM/VVPAT First Level Checking neih chu zawh fel niin, EVM/VVPAT te hi vehimna tha tak hnuaia awm turin Strong room-ah dah fel an ni.

2-Dampa (ST) AC By-Election neihna tur atan hian EVM/VVPAT checking hi 19th – 21st August, 2025 chhunga neih a ni a, checking hi ECIL Engineer te’n an nei a, First Level checking-ah hian VVPAT – 103. BU-103, CU-110 te enfel a ni.

Tarlan tawh angin 2-Dampa (ST) AC, MLA tanglai a boral avangin By-Election hi neih ngai a ni a, Election Commission of India in a hun tur a ruat hunah By- Election hi neih a ni ang. 2-Dampa (ST) AC huam chhungah hian Polling Station 41 awmin Voters Mipa 10397, Hmeichhia 9961 an vaiin mi 20358 an awm mek a ni.

EVM/VVPAT first checking hi Pi Carolyn LB Khiangte, Addl DC, Pu Lalnunfela Chawngthu, Election Officer te chuan an thutchilh bakah Political Party aiawhte an tel bawk a ni.