KAN THINLUNG ZAWNG ZAWNGA TIH TAK ZETA PATHIAN LAM KAN HAWI PHAWT CHUAN, KEIMAHNI LEH MIDANGTE TAN SIAMTHAR LEHNA A LO THLENG THIN.

#ZONEWS #FIANRIAL July 28, 2025:

Vawiin chu Lal sual tak mai Ahaza thlaktu, Lal Hezekia chanchin zir ho ila. Hezekia chuan Puithiamte nihna pe let lehin, Juda mipuite chu inchhira an rinna a siam thar sak leha, hruaitu dik leh rintlak a nihzia a tilang a ni.

LAL HEZEKIA
Tin, a pu Davida thiltih apiang ti vein LALPA mithmuha thil tha a ti thin a.
– 2 Chronicles 29:2

Nangmahah a ni emaw, midangteah a ni emaw, thil tha lo atanga thil ṭha zawk din thar tumin I lo bei ve tawh ṭhin em?

Lal Hezekia chanchin hian Pathian ngaihsak ṭhin leh rinnaa nghet tlat ṭhin hruaitu ten a ṭha zawnga nghawng an neih theih dan chiang takin min hrilh a ni. A pa’n sualna nen dik lo takin ro lo rel mahsela, Hezekia erawh chuan kawng dik chu a thlang tlat a, a kawng zawng zawngah Pathian a chawimawi tlat ṭhin a ni.

Engtin nge Hezekia khan a pa sualna chhawm lova Juda te kha Pathian hnenah a hruai kir leh theih le, engvang nge ni ang?

Hezekia rorel ṭan tirh atang reng, Pathian tana a inpektlatna kan hmu thei a. Ahaza hnuaia an ngaihsak tawh loh leh an hluihlawn tawh, Biak in chhe tawh chu a siam ṭha leh nghal a. Thlarau lama hruaitute chu mipuite kaihruai turin, an hmun dik takah an awm leh theih nan, Puithiamte nihna dinhmun chu a ngai angin a dah leh a ni.

I nunah khan, nangmah a tha lo zawnga nghawng thei che kal san a, a ṭha leh dik zawk kawng chu i zawn luih ve tlat a ngaihna te a awm ve em le?

Hezekia Pathian hnena a inpumpekna leh a thiltih huaisen thlak tak mai chuan a hnampumpui harh tharna a thlen a. Juda mipuite chuan a entirna siam chu zuiin, inchhirin Pathian an rinna chu an siam thar leh a ni. He inthlak thlengna hi a lang theiah chauh ni lovin, Pathian an rinna tak tak chu anmahniah a lo let leh a ni tih kan hre thei a ni.

Hezekia chanchin hian, hruaitu rinawm pawimawhzia leh, thinlung taka inchhira simna thil tihtheihzia min zirtir a ni. Kan hmaa mite chu eng ang pawh an lo ni thei e, Pathian kawng zawh chu thlang a, Lal Hezekia anga midangte pawh chu lam kawnga chawk tho thei turin kan tive thei vek a ni.

NGUN TAKIN INNGAIHTUAH ILA!
Ka nuna inthlakthleng ngei ngei ka mamawhna zawn kha ngaihtuah ila. Pathian ka hnaih leh zual theihna tura, ka chin ṭhin emaw, ka rilru puthmang emaw thlak thleng ngai ka nei em? Ngun takin ngaihtuah ang aw!

Biak in din thar leh a, inchhira an sim theih nana a mite kaihruai tura Hezekia thiltihte kha ngun takin ngaihtuah ila. Inchhira simna tak tak kawng chu kan zawh theihna turin, kum khuaa inthlakthlengna chu kan siam ngei theih nan Pathian hnenah chakna i dil ang u.

ṬAWNGṬAINA
Chutichuan lal Hezekia chu zing takah a tho va, khua ami lianhote chu a ko khâwm a, LALPA inah chuan an chho va. – 2 Chronicles 29:20

Aw LALPA, ka kuta hna min pekte chu a pung ang zelin, ka khawih a piang mai te nangma tan lo tipung ang che, engkim mai hi nangmah nena thawh zel ka duh e; midangten damna an lo chana siam tharna chu an lo chan ve theih nan. Lal Hezekia ang khan, bo tawh te chu i chenna hmun, i awmna hmuna ka lo hruai ve theihna turin, i hmanrua chhete talah pawh lo ṭan ve theih ka duh e. Tun hun hi I siamtharna leh Nangmah nena inrem lehna hun a lo nih a, hloh tawhte chu hmu leh a, i ropuina tura nasa zawka ka tihzel theihnan. Isua hmingin ka dil e, Amen.