LEI THILTIHTHEIHNA CHU A RAL LEH THUAIA, PATHIAN THUNEIHNA ERAWH CHU KUMKHUA ATAN A NI.
Vawiin kan fianrial hunah chuan Lal Belsazzara leh banga thil inziak mak tak mai chungchang hi ngaihtuah leh ila. Nebukadnezzara fapa Lal Belsazzara chuan a pa angin Pathian a chawimawi ve duh lova. Ruai ropui taka a theh bung bung laiin, kut bungin bangah thil mak tak mai a rawn ziak a, lal leh a thuihhruai roreltute chu hlauhnain a man a. Pathianin finnaa a thuam Daniela chuan chu thil chu rawn sawi fiahin, “Belsazara rorelna chu a tawp tawh a, Babulon ram chu thendarha awmin, Media leh Persia hote hnenah pek an ni tawh a ni,” tiin a rawn hrilh ta a.
BANGA THIL INZIAK
tichuan, a hnên atangin kut tumbung chu tirh a ni ta a, he ziak hi a lo in ziak ta a nih hi. (Daniel 5:24).
Vaukhan lawkna thu i pawisak loh avangin a hnuah i inchhir ve tawh thin em?
Lal Belsazzara chuan he thil mak tak mai hi a tawng a. A pa’n inngaitlawm taka Pathian a hmachhawn dan kha a hre reng chungin, Belsazzara chuan chapo leh intivei taka awm a thlang zawk a. Ruai ropui taka a theh laiin, kut bung chuan mak tak leh an hriatthiam theih loh turin bangah thu a rawn ziak ta a. An ruai thehna pindan chhung chu hlauhnain a rawn man a, Belsazzara mifingte tumah chuan chu thuziak chu an hrilhfiah thei hek lo.
Hmalam pan tura tihngaihna reng reng i hriat lohna dinhmunah i ding ve tawh thin em le?
Daniela chu koh a ni a, Ani chuan chu thuziak chu Pathian hnen atanga lo kal a nih tih a puang chhuak ta a. Thuziak chu, “MENE, MENE, TEKEL, UPHARSIN,” tih a ni. A awmzia chu, Belsazzara nite chu chhiar zawh tawh a ni a, buk a ni a, a tling zo lo a, a lalram chu then darha awmin, Media leh Persia hote hnenah pek a ni tawh. He thupuan hi, Belsazzara’n a chakna leh finna chhuanga, Pathian a chawimawi duh loh rah lo lang chhuak nghal chu a ni.
Kan nunah hian Pathian thiltihtheihna aia keimahni chakna leh theihna kan hmachhuanna te a awm ve thin em?
Belsazzara chanchin hi, thuhnuairawlh leh inngaitlawm taka zahna leh chawimawina Pathian hnena kan pek thin a pawimawhzia min hrilhtu leh min tiharh lehtu ni mawlh sela. Lei thuneihna leh hausakna te hi chu reiloteah an thlawkbo leh mai thin a, kan himna tak tak chu Pathian thuneihnaa intukluh pumhlumna hi a ni. Belsazzara hnen atanga a lalram lak sak a ni ang chiah khan, kan nuna Pathian thiltihtheihna kan hnawl a nih chuan, taksa leh thlarau lama A malsawmna kan dawn pawh kan hloh mai thei a ni tih i hre reng ang u.
Kan nun zawng zawnga Pathian kan chawimawi theihna turin engtin nge hma kan lak ve ang le?
NGUN TAKIN INNGAIHTUAH ILA!
Pathianin A thu hmanga min vaukhanna leh, A thu hmang veka min kaihhruaina chungchanga kan rilru puthmangte ngun takin ngaihtuah teh ang. Kan nunah hian Pathian kohna kan ngaihsak that duh lohte a awm thin em le? Kan nun pumpui chunga thuneitu chu Pathian a ni tih kan hriatchian theihna turin, Pathian engkimtitheia finna leh kaihhruaina chu zawngin kan hunte i hmang thin ang u.
Kan thinlung chu siamthara a awm theihna tura a inhawn zel theih nan leh kan thutlukna engkima Pathian chu kan chawimawi zel theihna turin Pathian hnenah dilin i tawngtai ang u.
ṬAWNGṬAINA
Tin, Daniela chuan a chhâng a, lal hmâah chuan, “I thupêk chu nangma tân ni sela, i lâwmman chu midang pe ang che; mahse ziak hi lal ka chhiarsak ang a, a hrilhfiahna chu ka hriattîr ang e (Daniel 5:17).
Ka Pa van ropui a mi, vawiina Belsazzara chungchang ka chhiar leh hriat te hmang hian, Nang chuan ka nun pumpui hi i duh a, ka nuna nangmah chawimawi zel turin min duh a ni tih a thara min hrilh nawn leh avangin lawmthu ka hrilh a che. Thil dang ni lovin Nangmah chauh hi ka nun hmanga chawimawi zel theih che ka duh e. Khawvel thil a nawmsakna tur leh reilote ka hlimna turah te rilru dah lova, Nangmahah chauh chuan ka rilru leh ngaihtuahnate dah tlata, Nangmah chawimawi zel che hi ka duh e. I thu hausakna chu nitina hre chiang a, chu chu thlang zawk zel thei turin, Isua hmingin ka dil e, Amen!
#ZONEWS #FIANRIAL August 20, 2025:
LEI THILTIHTHEIHNA CHU A RAL LEH THUAIA, PATHIAN THUNEIHNA ERAWH CHU KUMKHUA ATAN A NI.
Vawiin kan fianrial hunah chuan Lal Belsazzara leh banga thil inziak mak tak mai chungchang hi ngaihtuah leh ila. Nebukadnezzara fapa Lal Belsazzara chuan a pa angin Pathian a chawimawi ve duh lova. Ruai ropui taka a theh bung bung laiin, kut bungin bangah thil mak tak mai a rawn ziak a, lal leh a thuihhruai roreltute chu hlauhnain a man a. Pathianin finnaa a thuam Daniela chuan chu thil chu rawn sawi fiahin, “Belsazara rorelna chu a tawp tawh a, Babulon ram chu thendarha awmin, Media leh Persia hote hnenah pek an ni tawh a ni,” tiin a rawn hrilh ta a.
BANGA THIL INZIAK
tichuan, a hnên atangin kut tumbung chu tirh a ni ta a, he ziak hi a lo in ziak ta a nih hi. (Daniel 5:24).
Vaukhan lawkna thu i pawisak loh avangin a hnuah i inchhir ve tawh thin em?
Lal Belsazzara chuan he thil mak tak mai hi a tawng a. A pa’n inngaitlawm taka Pathian a hmachhawn dan kha a hre reng chungin, Belsazzara chuan chapo leh intivei taka awm a thlang zawk a. Ruai ropui taka a theh laiin, kut bung chuan mak tak leh an hriatthiam theih loh turin bangah thu a rawn ziak ta a. An ruai thehna pindan chhung chu hlauhnain a rawn man a, Belsazzara mifingte tumah chuan chu thuziak chu an hrilhfiah thei hek lo.
Hmalam pan tura tihngaihna reng reng i hriat lohna dinhmunah i ding ve tawh thin em le?
Daniela chu koh a ni a, Ani chuan chu thuziak chu Pathian hnen atanga lo kal a nih tih a puang chhuak ta a. Thuziak chu, “MENE, MENE, TEKEL, UPHARSIN,” tih a ni. A awmzia chu, Belsazzara nite chu chhiar zawh tawh a ni a, buk a ni a, a tling zo lo a, a lalram chu then darha awmin, Media leh Persia hote hnenah pek a ni tawh. He thupuan hi, Belsazzara’n a chakna leh finna chhuanga, Pathian a chawimawi duh loh rah lo lang chhuak nghal chu a ni.
Kan nunah hian Pathian thiltihtheihna aia keimahni chakna leh theihna kan hmachhuanna te a awm ve thin em?
Belsazzara chanchin hi, thuhnuairawlh leh inngaitlawm taka zahna leh chawimawina Pathian hnena kan pek thin a pawimawhzia min hrilhtu leh min tiharh lehtu ni mawlh sela. Lei thuneihna leh hausakna te hi chu reiloteah an thlawkbo leh mai thin a, kan himna tak tak chu Pathian thuneihnaa intukluh pumhlumna hi a ni. Belsazzara hnen atanga a lalram lak sak a ni ang chiah khan, kan nuna Pathian thiltihtheihna kan hnawl a nih chuan, taksa leh thlarau lama A malsawmna kan dawn pawh kan hloh mai thei a ni tih i hre reng ang u.
Kan nun zawng zawnga Pathian kan chawimawi theihna turin engtin nge hma kan lak ve ang le?
NGUN TAKIN INNGAIHTUAH ILA!
Pathianin A thu hmanga min vaukhanna leh, A thu hmang veka min kaihhruaina chungchanga kan rilru puthmangte ngun takin ngaihtuah teh ang. Kan nunah hian Pathian kohna kan ngaihsak that duh lohte a awm thin em le? Kan nun pumpui chunga thuneitu chu Pathian a ni tih kan hriatchian theihna turin, Pathian engkimtitheia finna leh kaihhruaina chu zawngin kan hunte i hmang thin ang u.
Kan thinlung chu siamthara a awm theihna tura a inhawn zel theih nan leh kan thutlukna engkima Pathian chu kan chawimawi zel theihna turin Pathian hnenah dilin i tawngtai ang u.
ṬAWNGṬAINA
Tin, Daniela chuan a chhâng a, lal hmâah chuan, “I thupêk chu nangma tân ni sela, i lâwmman chu midang pe ang che; mahse ziak hi lal ka chhiarsak ang a, a hrilhfiahna chu ka hriattîr ang e (Daniel 5:17).
Ka Pa van ropui a mi, vawiina Belsazzara chungchang ka chhiar leh hriat te hmang hian, Nang chuan ka nun pumpui hi i duh a, ka nuna nangmah chawimawi zel turin min duh a ni tih a thara min hrilh nawn leh avangin lawmthu ka hrilh a che. Thil dang ni lovin Nangmah chauh hi ka nun hmanga chawimawi zel theih che ka duh e. Khawvel thil a nawmsakna tur leh reilote ka hlimna turah te rilru dah lova, Nangmahah chauh chuan ka rilru leh ngaihtuahnate dah tlata, Nangmah chawimawi zel che hi ka duh e. I thu hausakna chu nitina hre chiang a, chu chu thlang zawk zel thei turin, Isua hmingin ka dil e, Amen!
Discover more from Zonews
Subscribe to get the latest posts sent to your email.
