KHAWI HMUNAH PAWH ISUA TAN NGHET TAKIN I DING ZEL ANG U.

#ZONEWS #FIANRIAL SEPTEMBER 05, 2025:
KHAWI HMUNAH PAWH ISUA TAN NGHET TAKIN I DING ZEL ANG U.

Vawiin kan fianrial hunah chuan thawnthu tawite te hmangin Pathian tan, Isua tana dinngheh tlat pawimawh zia ngaihtuah ang aw.

“Chutichuan, mite hmaa mi ṭan apiang, ka Pa vana mi hmaah ka ṭan ve ang. Nimahsela, tu pawh mite hmaa mi phat apiang, ka Pa vana mi hmaah ka phat ve ang. Nimahsela, tu pawh mite hmaa mi phat apiang, ka Pa vana mi hmaah ka phat ve ang.” – Matthaia 10:33

1. Hmun hlauhawmah
Korea ram thingtlang pakhatah hian ringtute inkhawm chu sipaihote chuan an luhkhunga, tihhlumah an vau a. A tam zawk an tlan chhia a, sipaihote vauna avangin a la awmte pawh chuan engmah an sawi ngam hek lo. Tlangval pakhat erawh chuan Isua atan tlat a, “Ka Lalpa hi ka phatsan ngai lovang. Isua ka tan a thi a, keipawh atan ka nungin a tul chuan ka thi ve mai dawn a ni,” a ti a.

A huaisenna chuan sipai hotupa ber thinlung a khawih a, a silai dahthlain, zawite hian, “Rinna I neih ang kha neih ve ka duh a ni,” a ti ta a.

Isua rinna chu kan nuna hun thim ber kan tawh laiin a lo eng chhuak thin.

2. Kan zirna hmunah
University pakhata an professor chuan, a class lak laiin Kristiante leh Isua chu nuih zat takin fiamthu thawh nan a hmang a, midang chu an nui hluah hluah mai a. Nui ve duh miah lo zirlai pakhat Ruth-I chu ngawi rengin a lo awm a. An professor chuan nui chungin, “Isua an tih hi I ring tak tak em ni? Science zirnaah Isua a leng hlei nem,” a ti a.

Ruthi chuan, “Aw Isua hi ka ring a, ka nun thlak danglamtu a ni a. Engtikah mah ka phatsan ngai lovang,” tiin a chhang a.

Class room chhung chu a reh nghal thup mai. An ban hnuah chuan a zirlaipui pahnih hian an rawn pan a, a rinna chungchang hre chiang duhtute hi an lo ni a.

Isua tana huaisen taka kan dinchhuah ngamna hian min nuihzattute ngei pawh Krista chanchin hriatchian chaknaah a hruai lut thei thin a ni.

3. Kan hnathawhna hmunah
Daniela chu a sum chung chang report siam danglam tura hrilh a ni a. A boss chuan vauin, a sawi anga a ti lo a nih chuan a hna pawhin a tuar tur thu a hrilh a. Daniela erawh chuan, “Dawt ka ziak ngawt thei lo a ni. Isua zuitu ka nia,” tiin a chhang ta a. A hnuah thudik tak chu lo lang chhuakin, Daniela rinawmna chuan an company chu a tihmingtha ta zawk a ni.

Kan hnathawhna hmunahte Isua tana kan din tlat avangin kan tar chang a lo awm mai thei, nimahsela, chungte chuan kan rin phakloh chawimawina a rawn thlen fo zawk thin a ni.

NGUN TAKIN NGAIHTUAH TEH ANG
Thih hlauhawmna hmun a ni emaw, kan zirna hmun a ni emaw, kan hnathawhna hmun a ni emaw, khawi hmun pawh ni sela Pathian min kohna hi a ngai reng a ni, Isua tana nghet taka dinga nung turin min ko vek a ni. A man chu a lo sangin a lo to deuh a ni thei e, a lawmman erawh Chatuana nunna a ni tih kan hre reng dawn nia.

ṬAWNGṬAINA
Aw Lalpa, khawi hmunah pawh awm mah ila, Sikulah a ni emaw, hnathawhna hmunah a ni emaw, thih hlauhawmna hmun pawh nisela I tana ding nghet tlat zel thei turin huaisenna leh chakna min pe ang che. Ka rinna che chuan midangte kawng a kawhhmuh zel zawk theih nan, Isua hmingin ka dil e, Amen!