‘Myanmar Civil War’ Documentary producer Mizoram Journalist pahnih Pu HC Vanlalruata leh Tv Isaac Zoramsanga-te chu vawiin khan I&PR Minister hlui leh MNF Sr Vice President ni bawk Dr R. Lalthangliana’n lawmpuina a hlan

‘Myanmar Civil War’ Documentary producer Mizoram Journalist pahnih Pu HC Vanlalruata leh Tv Isaac Zoramsanga-te chu vawiin khan I&PR Minister hlui leh MNF Sr Vice President ni bawk Dr R. Lalthangliana’n lawmpuina a hlan.

Vawiina Journalist pahnih te chawimawina hun hi Aizawl Press Club ah neih a ni a, I&PR Minister lo ni tawh Dr R. Lalthangliana chuan tunhnaia Emmy Award dawng te pahnih hi lawmpuina a pe a, khawvel huapa lawmman ropui an dawn chu chhuanawm atih thu sawiin Zofate dinhmun sangah min hlangkai a ti a, mi dangte tana entawntlak annih thu sawiin chona nasa tak a ni, a ti a. Kum 2003 atanga kum 2008 inkara I & PR Minister alo nih tawh na ah Journalist-te tana theihtawp a lo chhuah thin thu sawiin Journalist te khawvel huapa an lang chu a hlut hle tih a sawi bawk.

He hunah hian Emmy Award dawngtu pahnih Pu HC Vanlalruata leh Tv Isaac Zoramsanga ten thu an sawi a, Mizo journalist pahnihte hi BBC tana project-ah hian field producer hna an thawk a, lawmman an dawnna hi Outstanding Continuing News-Coverage-Short Form Category-ah a ni.

Vawiina hun hmanah hian Dr.R.Lalthangliana bakah MNF Publicity Board hotute leh Mizoram Journalist’s Association member thenkhat an tel bawk a ni.

#zonews #tualchhung