EDUCATION MINISTER HIAN A ENKAWL A DEPARTMENT CHAN HI BEI BEI SUH SE. – Ruata Jongte

“Thudik zatve kaihlek a, party dang beih nan a dawt sawi fo mai te hi, kan education Minister pawh hian an hotute hri hi a lo kai ve ta a ni awm e.”

Education Minister in, vantlang hmaah MR teacher mi 100 te qualify an nih loh thu a sawi hi, MNF te beihna emaw a tih hi, a mah leh a enkawl dept te a beihna zawk a ni.

TRAINED TEACHERS VEK AN NI TAWH.
Kum 2017 hnu a teacher private school a thawk leh Sawrkar hnuai a SSA, RMSA hnuai a thawk, trained lo te chu, NCTE in a ruahman sak angin, NIOS hnuai ah trained tir niin, D.EI.ED certificate pek an ni, he scheme hian 2019 hnu ah chuan private school teacher pawh nise, trained teachers an nih vekna tura tura ruahmanna a siam angin, trained teachers vek an lo ni ta a.

TRAINED TEACHERS VEK NI MAHSE, TET PALTLANG DUHKHAWP AN AWM LO.
MNF khan MR teacher 800 zet an lak dawn khan, trained teachers mai bakah Teacher Eligible Test (TET) pass tel ngei, Primary leh middle school teacher atan lak tur ni mahse, Sawrkar in employment exchange ah TET pass te a han bih chiang a, mi 149 chiah register an awm tak si ah chuan, RTE Act in relaxation a pek angin “teacher lak turte qualify duh khawp an awm loh chuan, kum 5 chhung chance pek a, lak theih an ni ang’ a tih angin, MNF ministry khan danin a phalsak ang khan, Private school a thawk mek TRAINED tawh mahse TET la passed lo te kha dil a rem tih sak ve ta a ni.

TRAINED TEACHERS NI TAWHIN MR TEACHER AN DIL HI, QUALIFIED LO TIH TUR AN LA NI LO.
Ti chuan, NIOS hnuai a trained teachers (private school) a thawk lai mek te chuan MR teacher an dil ve thei ta a, TET erawh danin a phalsak (relaxation an neih) angin kum 5 chhung chance an nei thung a, an pass leh pass loh hriat hma a, “qualified an ni lo” tih a changtu minister berin a lo sawi fo kha, a enkawl dept staff te hmuhsitna zawk niin a lang.

COVID VANGA HARSATNA A ZOVA, MINISTER BERIN HARSATNA A SIAM LEH.
Private school teacher thin, Sawrkar pawmpui hnuai a trained vek tawh ten MR teacher an han hmuh takah khan, TET exam chu an han bei chho tana, mahse Covid – 19 in min tlak buak zui ta si a, exam theih ti thin mahse khua leh veng tam tak VLTF in khawdang leh hmun danga vah chhuah te an lo khap thin a, hun tha kum 3 chuang an hloh hnuin, kum 2024 an exam hunah khan education Minister Dr Mathlantea hian exam a rem tih sak ta lo a ni.

EDUCATION MINISTER IN BAN TUM MAHSE SUPREME COURT THUTLUKNA (RULING) A HLAU LEH SI.
Kan education Minister hian, zirtirtu tang mek ten NIOS hnuai a D.EI.ED /Trained teacher an passed te pawm sak lovin, 2024 khan TET exam a phal sak ta lo a ni. MR teacher trained tawh, TET chauh through ngai te hian, Court ah kal an tum lai takin Supreme court judgement order ruling an nei ta hlauh a, education minister pawhin chu chu dang zui ngam bik tawh lovin, tun ah hian TET hi an exam leh dawn ta a, an tling a nih chuan an qualify vek dawn tihna a ni ang. An qualify lo ti a achangtu minister berin lo sawi dum dumna hun a la ni rih lo hle.

PRIMARY LEH MIDDLE SCHOOL TEACHER TURIN PALTLANG TUR CHI HNIH A AWM.
TET “teacher Eligible Test” exam tur hian pawl 12 chunglam leh 45% mark matric ah an hmuh a ngai a, D.EI.ED trained teachers an nih hnu hian TET hi an exam ve leh a ngai a ni.

LALCHHANDAMA RALTE EX-EDUCATION MINISTER KHA A LO FAKAWM HLE MAI.
A minister laiin education ah buaina lian tham leh nuar, teacher indaih lo tih vel kan hre lem lo a nih kha, zirtirtu MR teacher mi 800 zet a lak chungchang ah, ruahmanna a nei fel bawka posting and transfer ah buai pakhat mah awm lovin, a tling zinga 100% in an accept bawk a ni.

EDUCATION MINISTER THAR HNUAI AH EDUCATION A BUAI TAWLH TAWLH.
Kan education Minister thar hnuai ah hian, Sawrkar hlim hlawt atangin, MNF sulhnu a ban theih ang ang te ban pawp pawp in, a thlakna tur lamah ngaihtuahna a seng thiam leh lawi si lova, casual teacher a lak thar te lah chu, a tling tam takin an decline/an hnawl leh deuh fur mai si a, Zirtirtu indaih lohna avangin kartin deuh thaw zirlai, khawtual mipui, zirlai Nu leh pa an nuar dawt zut renga, school nise an khar deuh chhen reng mai a nih hi.

MAHNI TIH DIKLO SAWIMAM NAN A, HUN KAL TAWHA PARTY DANG HMA LAKNA TE, DAWT TEL HRATA PUH CHIN FO HI SIM ATAN A THA HLE.

#zonews #politics #mizoarticle

ARTICLE-A THU ZIAKTE HI ZONEWS NGAIHDAN A NI VEK KHER LO.