Siaha District chhunga VCP te mahni mobile phone ah Sarpanch Samvaad app nei theuh tura ngenna leh hriattirna

#ZONEWS July 17, 2025: Secretary to the Govt of Mizoram, Public Health Engineering Department (PHED) Pi Teresy Vanlalhruaii chuan Mizoram chhunga VCP tin te chu Sarpanch Samvaad mobile application nei theuh tura hriattirna a chhuah angin Siaha District chhunga Village Council President tin ten a hnuaia tarlan ang hian hma lo la theuh tura ngen leh hriattir in ni e.

Sawrkar laipuia Ministry of Jal Shakti hnuaia Department of Drinking Water and Sanitation (DWS) chuan India sawrkar laipui flagship programme pahnih- Thingtlang khuaa chungkaw tinte tui thianghlim in tur pekna programme- jal Jeevan Mission leh thingtlang mite faina thlenna tur programme- Swachh Bharat Mission (Grameen) chu chak takin a kalpui mek a, a hmawr bawk pawh a hnai chho tawh hle a ni. Heng Central Flagship Programme lian tak tak pahnin hi a lo hlawhtlin theih nan thingtlanga khawtlang roreltu Village Council President-te an pawimawh em em a. Chuvangin Central Ministry leh ‘Quality Council of India (QCI)’ chuan September, 2023 khan mobile application pakhat -“Sarpanch Samvaad” chu duang chhuakin, hemi application hmang hian khawtlang hruaitu ten an hnathawh hrang hrangte tarlangin, midang tihdan tha zawkte an hmu thei a. Chumai bakah khawtlang tana hmasawnna tur thilah veng/khaw danga hruaitute nen in be pawpin, thil thar tha zawkte zirin, an tana tangkai tur training neiin, online in certificate te a dawn theih bawk a ni.

He “Sarpanch Samvaad” mobile application hi tunah hian tangkai taka hman niin Department of Drinking Water and Sanitation (DDWS) chuan JJM leh SBM(G) programme a kalpuina kawngah hmanrua tangkai tak pakhatah a hmang mek a.

Sawrkar laipui thil tum ‘Viksit Bharat by 2047’ – kum 2047 ah India ram hi ram changkang (Developed Country) a siam na tura hmalakna kawngah thil tangkai tak anih dawn avangin Village Council President zawng zawng ten he “Sarpanch Samvaad” mobile application hi an lo download a, an lo hman tangkai theuh tura ngen leh hriattir an ni e.

Ahnuaiah hian “Sarpanch Samvaad” mobile application download na tur link tarlan a ni e.

Android users: https://play.google.com/store/apps/details?id=com.qci.sarpanch_samvaad
iOS users: https://apps.apple.com/in/app/sarpanch-samvaad/id6452552802