NHM BUATSAIHIN, AIZAWL DISTRICT CHHUNGA PRIVATE LEH SAWRKAR LABORATORY AWM ZAWNG ZAWNGTE TAN PERMANENT REGISTRATION CHUNGCHANG TRAINING NEIH A NI.

#ZONEWS July 17, 2025: Vawiin chawhma dar 11:00 am khan DMHE Conference Hall, MINECO-ah Clinical Establishment (Registration & Regulation) Act, National Health Mission, Mizoram buatsaihin Aizawl District huam chhunga Private leh Sawrkar Laboratory awm awng zawng te tan Permanent Registration chungchang traning neih a ni.

Dr. Ruth Lalmuanpuii, State Nodal Officer, CEA, NHM in training hi kaihhruaiin Mizoram sawrkar in October 12, 2025 atang hian Laboratory Private leh Sawrkar zawng zawng te Permanent Registration ti vek turin thu a chhuah thu leh hei hian kan rama Laboratory zawng zawng te tih changtlun na leh damlo in enkawlna kawnga hmasawnna nasa zawk thlen tu tur a nih thu a sawi a. Dan lova Laboratory hawng te leh Clinical Establishment Act dan bawhchhia te, standard phalo te chu dan anga hrem an nih theih thu a sawi a. Training-a tel zawng zawng te chu hlawk taka hun hmang turin a chah.

He training-ah hian Resource person atan Dr. C. Vanlalhriatchhungi, SLC, CEA, NHM, PC. Lalmuanpuii, Environmentel Engineer, Mizoram Pollution Control Board, V. Lalruatliana, Deputy CEO, Common Bio Medical Waste Treatment Facility, Aizawl Smart City leh Dr. Lalnunnemi, HOD. Dept. of Pathology, Synod Hospital, Durtlang te hman niin an hnen atangin Laboratory te tana tangkai tak tak ngaihthlak leh zirho a ni. Aizawl District chhunga Sawrkar damdawiin, Private Hospital leh Private Laboratory lama thawktu te an kal tha hle.