Tuialh thei phur kal duh loh chhan, KM 1 pawh tling lo siam duh lotute chu Mizoram PWD leh NHIDCL an ni tih chiang takin a hmunah kan zu hmu – Ruatfela Nu

#ZONEWS July 20, 2025: Ruatfela Nu chuan a social media post-ah Tuialh Thei phurte an nawrh chhan, KM 1 pawh tling mang lo tur kawng chhe zual lai siam duh lotute chu Mizoram PWD leh NHIDCL ngei an ni tih chiang taka an zuk hmuh thu a sawi.

INTHIN A RIM VE THO KA RING
Ruatfela Nu
Vawiin (19. 07. 2025) hian kan chak lakna kawng pawimawh ber, NH-306 (Sairang-Vairengt) a Buichali- Khamrang chhiat vanga kan bungraw mamawh rawn phur lut tur leh bungraw rawn dah let leh lam Truck 1000 tel tangkhang enin, Joint Civil Society (JCM) leh Motor lian neitu leh khalhtu Assosiation hrang hrang te’n kan zawh chhuak parh a. Thin rim sa a rim lehzual! A chhan chu: Kawng chhe lai a tawi lutuk!!! Truck 100 rual tangkhan chhan Tuialhthei phur kal duh tawh loh chhan, Fak hlawh lo val rual te’n kawng siama an hnatlan chhan khu maw u, KM-1 pawh a tling lo ang a. Chu mi siam duh lo chu Mizoram PWD leh NHIDCL an ni tih chiang takin a hmunah kan zu hmu/hria a. Thin a rim a ni. Tin, state BJP president in a tlawh a, an siam nghal tihte kha dawt muhlum a ni. Vawiin NHIDCL hnuaia hnathawk 7 leh khawl (excavator) 2 chiah kan hmu. Khawl hian hna an thawk lo. A chhe zual laia motor tang pui turin an duty a ni. Hei aia kimchang report ka la rawn siam leh ang.