CHIEF MINISTER HOVIN EKLAVYA MODEL RESIDENTIAL SCHOOL THUNEITUTE THUKHAWM

#ZONEWS July 22, 2025: Vawiin khan Chief Minister Office Conference Hall-ah Eklavya Model Residential School thuneitu Mizoram EMRS Governing Council chu an chairman Pu Lalduhoma, Chief Minister hovin an thukhawm a. Hei hi Planning Department hnuaia Tribal Affairs dah a nih hnua Governing Council thutkhawm hmasa ber a ni.

He meetingah hian Mizorama EMRS School awm mek te tihhmasawnna tur te chipchiar deuh takin an sawi a. Zirlai naupang tam zawk an luh theih dan tur te, thawktuah Mizo thalai tam zawk an luh theih dan tur te, sak belh leh tur Central sawrkarin a lo phalsak tawh bawhzui dan te chipchiar takin an sawiho.

Tunah hian Mizoramah EMRS hi 11 a awm mek a, 6 sak thar tur a la awm bawk a. Chung zinga palite DPR hi central-ah thehluh tawh a ni. School tinah hian zirlai naupang 480 zel awm thei tura ruahman niin Class 6 atanga class 12 thleng zir theihna school an ni a, zirlai naupangten engkim a thlawn vekin an dawng a. Thawktute zawng zawng hlawh pawh hi central sawrkar tum vek a ni.