Serchhip District Village Council Association hruaitu an thlang

#ZONEWS July 22, 2025: Serchhip District Village Council Association hruaitu thlanna chu vawiin khan Serchhip Kawnpui VC Hall-ah neih a ni.

He inthlanna-ah hian Serchhip District Local Administration Officer (DLAO) Dr. C. Vanlalchhanhimi chu Returning Officer niin hun kaltawhah District VC Association inthlanna chu sawrkar lamin an neihpui ngai loh thu leh All Mizoram Village Council Association ten sawrkar hnena rawtna an thlen angin District tinah inthlanna hi neihpui tura tih an nih angin he hun hi buatsaih a ni tih a sawi a. VC te chu khawtlang hruaitu an nih thu leh an pawimawh thu sawiin, an hlutna chu sawrkarin lawmman atana sum a pek thin atanga teh lo turin a chah bawk a. District VC Association te chu tangkai taka hman tum an nih thu a sawi bawk.

Heng mite hi Serchhip District VC Association hruaitu atana thlan te an ni :

President : Pu B. Vanlalsawma (Serchhip Kawnpui North VC)

Vice President : Pu TC. Lallala (Keitum VC)

Secretary : Pu Lalrinthuama Kawlni (Serchhip Vengchung VC)

Asst. Secretary : Pu C. Vanlalnghaka (Thenzawl East VC)

Treasurer : Pu H. Lalrawngbawla (Chhiahtlang South VC)

Fin. Secretary : Pu Lalrintluanga Pachuau (Baktawng VC)