Mamit-ah The Mizoram Bana Kaih Scheme hnuaia Chief Minister Special Package dawngtu Progress Partner te tan orientation training neih a ni

#ZONEWS Mamit, July 24, 2025: Vawiin chawhma dar 11 khan LAD Conference Hall, Mamit-ah Chief Minister Special Package, Bana Kaih scheme hnuaia Progress Partner te tan Orientation Training Program neih a ni a, Pu K Laltlawmlova, District Bawrhsap chuan hun a hmanpui.

Bawrhsap chuan vawiin a lo kal te chu mi special thlan chhuah an nih thu sawiin Progress Partner an nihna angin dik tak leh rinawm taka Sawrkar in a beisei ang ngei a an dawn chu hmang tur a chahin duhsakna a hlan a, Mamit district dawmkan nan a hmala tu pawimawh ni theuh turin a sawm. Pu K Laltlawmlova chuan India ram chu 2040-ah chuan developed country (ram changkang) a inhlankai tumin Sawrkar Laipui in a bei mek a, Mamit district pawn theihtawp kan chhuah a ngai a, district hnufual (Aspirational district) kan nih tawh lohna turin CM Special Package hi a hmanna tur a hmang a, inpuih a ngaihnaah leh harsatnaah chuan line department te pan hreh lo turin a chah bawk a ni.

The Mizoram Bana Kaih Scheme hnuaia Chief Minister’s Special Package dawngtute hi Mamit district-ah hian mi 128 an ni a

1. Agriculture Dept hnuaiah- 4
2. Soil Dept hnuaiah- 43
3. Horticulture Dept hnuaiah- 24
4. Information & Public Relations Dept hnuaiah- 1
5. AH&Vety Dept hnuaiah- 13
6. Fisheries Dept hnuaiah- 16
7. Commerce & Industry Dept hnuaiah- 28

Vawiin hun hi Pu Ngurrinsanga Sailo, DAO Mamit chuan a kaihruai a, Pi C Lalchhandami, SDC Mamit chu Resource Person niin training programme hi a kaihruai. Line Department houtute nen zawhna leh chhana hun te hman niin certificate sem a ni bawk a, Pu B Lalchamliana, DHO Mamit chuan lawmthu sawiin hun a khar a ni.