JOINT ACTION COMMITTEE TUIDAM MIZORAM CHUAN VANLALHRUAIA, JE, PWD HIGHWAY DIVISION I-A THAWK MEK LAKA AN LUNGAWI LOH THU AN CHHUAH

#ZONEWS Tuidam July 25, 205: Joint Action Commitee Tuidam Mizoram chuan Vanlalhruaia, PWD Highway Division-I a JE hna thawk mek laka an lungawi loh thu a hnuaia mi ang hian an chhuah.

Tun hnaia Social Media (Whatsapps) group Mamit District News Group leh group danga Vanlalhruaia JE PWD Highway Division I a thawk mek in, Tuidam leh Darlak inkar kawng National Highway NH 44 A Diversion leh Old Road (via Sabual lui) chhiat chhan leh hna thawh zawh theih anih loh chhanah Tuidam khawtlang hruaitute leh VLTF Duty te mawhchhiatna leh demna thu a post fo chungchangah hian, Tuidam khawtlang hruaitute kan lungawi lovin kan lawm lo hle a, hrileng avanga Khawvelin buaina kan tawk tih pawh hre lo lui a, hun rei tak liam tawh denchhen a hetianga khaw bil intihhmingchhiatna avang hian VC leh NGO te chuan Dt.23.07.2025 zan khan joint Committee kan nei hial a ni.

Hetianga Covid 19 hri len laia Sorkar thupek leh SOP zawma khawtlang hruaitu ten an mawhphurhna an lo hlenchhuak dem zawng leh khaw bil anga intihhmingchhiatna hi kan ngai thu takin, Vanlalhruaia JE PWD(Highway) chungah hian kan lungawi lo tak zet a, July 2025 ral hma ngeia thupha chawina leh insawifiahna thuchhuah kan dawng lo anih chuan a tul dan anga hma lak zui zel a ni ang.