KOLASIBAH ORIENTATION TRAINING FOR PROGRESS PARTNERS UNDER CHIEF MINISTER’S SPECIAL PACKAGE BUATSAIH A NI.

#ZONEWS Kolasib July 25, 2025 Zirtawpni: Vawiin khan I&PR Hall, Project veng, Kolasibah ‘Orientation Training for Progress Partners under Chief Minister’s Special Package programme buatsaih a ni a. Pu Lalthanzuala, SDC Kolasib chuan he hun hi a kaihruai a ni.

Hun kaihruaitu, Pu Lalthanzuala chuan sawrkar flagship policy zinga pakhat ‘Bana kaih’ chu chhungkaw harsa zawk leh ei zawnna lama rahbi tleu te dawmkanna policy a nih thu a sawi a. Ngaihtuahna mumal tak nei a trade thlan a pawimawh thu leh tangkai taka beneficiaries ten an hman a pawimawh a ni, a ti. Bul tanna mawlte atangin hlawtlinna a awm thei thu sawiin, vawiin a trade chi hrang hrang thlangtu te pawhin hlawtlin pui ngei turin duhsakna a hlan a ni.

He hunah hian Pu Zoremmuana, DRO Kolasib chuan ‘Basic of Entrepreneurship’ tih thupui hmangin zirtirna a pe a. Pu Lalnuntluanga Colney, SELCO chuan ‘Development of Entrepreneurship through renewable Engergy’ thupui hmangin zirtirna a pe bawk. ‘Accounting, Bookeeping, Day Book’ chungchangah Pi R. Lalrinawmi, Rural Accounts Officer, DRDO Kolasib in zirtirna a pe a, Pu Isaac Malsawmtluang, SDC Kolasib in Banakaih Scheme chungchang inhrilhfiahna hun a hmang bawk a ni.

Vawiin hunah hian Report a a lan dan in, Industries department hnuaiah trade thlangtu beneficiaries mi 47 an awm a, Vety Department hnuaiah mi 33 awmin Horticulture Department hnuaiah mi 23 an awm . Land Resources, Soil & Water Conservation department hnuaiah hian mi 18 an awm a. Fisheries department huaiah mi 12 awmin , Agriculture hnuaiah mi 9 leh Sericulture department hnuaiah mi 1 trade thlangtu an awm a ni.

Vawiin Orientation Training Programme buatsaih ahhian Line department hotute leh Kolasib District huamchhunga Chief Minister’s Special Package Trade chi hrang hrang thlangtute an kal khawm a ni.