Serchhip Sub Hqrs YMA buatsaihin ‘Leadership Training leh Ruihhlo Do Awareness Campaign’ neih a ni.

#ZONEWS July 26, 2025: Vawiin June ni 26, Inrinni hian Serchhip Sub Hqrs YMA Hall a ‘Serchhip Sub Hqrs YMA buatsaihin ‘Leadership Training cum Ruihhlo Do Awareness Campaign’ programme hun khatna ‘Leadership Training’ programme ah hian Resource Person Pu Vanneihtluanga chuan Serchhip Town chhung leh Serchhip Sub Hqrs YMA in direct a awp YMA Branch 7 aiawh a kalkhawmte chu YMA Hruaitu nihna leh mawhphurhna /chanvo te, YMA inkaihhruaina dan dik leh fel chungchangte,Hruaitu tha ni tura hriattur pawimawh hrang hrang te,’Kohhran leh YMA’ & ‘Sawrkar leh YMA’ chungchanga a paper buatsaih chu zirpuiin, YMA kalphung zel tur atan zawhna leh chhanna te leh sawihona hun hlawktak a hmanho ani bawk.

Hun hnihnaah Serchhip District Legal Services te bultumin,Ruihhlo Do Awareness Campaign neih niin,Dan hnuai a ruihhlo dona kawnga YMA Branch hrang hrang hruaitute hriattur pawimawh hrang hrang te leh pawimawh in zirtirna an neih bakah Serchhip District chhunga hman tur tunhnaia Bialtu MLA leh Mizoram CM ni bawk Pu Lalduhoma’n ‘Mobile App’ a lo tlangzarh tak ‘Vantlang Viltu’tih chu Serchhip DC Office atangin tangkai lehzual a hman dan tur inzirtirna hun hman a ni bawk.

Vawiin a Serchhip Sub Hqrs YMA buatsaihin ‘Leadership Training cum Ruihhlo Do Awareness Campaign’ Programme bultanna ah hian Serchhip Sub Hqrs YMA President Pu Kawlthuama’n inlawmna thu(Welcome Speech) a sawi bakah tunhnaia Central YMA buatsaih ‘LPS Suzuki Inter Branch YMA Quiz Competition’ a lawmman 3-na latu Chhiahtlang Kawn Veng Branch YMA te hnenah Serchhip Sub Hqrs YMA hmingin lawmpuina a hlan a, he hunah hian Serchhip Town chhunga Branch YMA tin aiawhte,Serchhip Sub Hqrs YMA in direct a awp YMA branch 7 aiawh te, Serchhip Sub Hqrs YMA hnuai Anti Drugs Squad(SADS) memberte telin, he hun hi Training&Youth Afffairs Committee Chairman Pu C Lalhminghlua’n a kaihhruai a, Dr Laldinpuia ,OB incharge T&YA Committee in lawmthu sawiin hun a khar a ni.