Kawrthah Forest Division in World Rangers Day 2025 pualin frontline staff te chawimawina hun an hmang

#ZONEWS Mamit July 31, 2025: Vawiin khan Kawrthah Forest Division chuan World Rangers Day 2025 pualin Frontline Staff thahnem tak- Mizoram a Natural Heritage humhalh kawnga thawhhlawk leh thawkrim te chawimawina hun Pu Karthikeyan V, IFS, Divisional Forest Officer kaihruaina hnuaiah an hmang.

Pu Karthikeyan chuan Mizorama ramngaw veng himtu Forest Rangers te leh Forest Guard te chungah lawmthu sawiin kan ramngaw zau takte a him nachhan chu kan Field Staff te thawhrimna rah a ni a ti a, thahnemngai taka thawk chhunzawm zel turin a chah bawk.

Vawin hunah hian frontline staff hnathawhte ngaihhlutzia lantir nan heng a hnuaiatarlante hnenah hian chawimawina thuziak hlan an ni

1) Pu Vanlalhluna, Forest Ranger, RO Zamuang(1986 Batch)
2) Pu K. Lalbiakzama, Forest Ranger, RO Kawrthah(1991 Batch)
3) Pu Francis Lalhmingsanga, Forest Guard (2018 Batch)
4) Pu Lalrosiama Hmar, Forest Guard (2018 Batch)
5) Pu Lalruatpuia, Forest Guard (2018 Batch)