Champhai District City Level Excutive Committee-in DAY-NULM chungchang sawiho a ni.

#ZONEWS Champhai, dated 1st August 2025: Vawiin khan DC Conference Hall, Keifangtlangah Deendayal Antyodaya Yojana – National Urban Livelihood Mission (DAY-NULM) hnuaia Patient Attendants’ Shelter sak tur chungchang sawiho turin District City Level Executive Committee an thukhawm a, Champhai Bawrhsap Pu Mohammad Aaquib chuan a kaihruai.

District Urban Development Officer leh Member-Secretary ni bawk Pu Benjamin Zalawma Ralte chuan sawihawnna a nei a, Patient Attendants’ Shelter hi District Hospital Complex chhunga sak tur a ni a, DAY-NULM hnuaia Shelter for Urban Homeless (SUH) hnuaia sak tur a niin, Mizoram State Urban Livelihoods Mission Society, Directorate of Urban Development & Poverty Alleviation leh Department of Health & Family Welfare inkarah February ni 7, 2024 khan inremna siam tawh a ni. District City Level Executive Committee chuan Shelter Management Committee din an remti a, committee pahnih hian instalment dawn hma apiangin hnathawh an enfiah zel dawn a ni. Chairman Pu Mohammad Aaquib chuan tha taka tan a nih theih nan department pahnih te thawhhona tha nei turin a chah a, mipuiin an tangkai pui ngei nan beiseina sang tak a neih thu a sawi bawk.

He meeting-ah hian District Hospital hruaitute, Village Council member thenkhat leh department hotu te an tel a ni.