ZORAM PEOPLE’S MOVEMENT, LAI DIST. HQRS. LAWNGTLAI: CHHUNG INKHAWM

#ZONEWS #POLITICS Lawngtlai August 04, 2025: Vawiin thawhtanni hian ZPM Lai Dist. Hqrs. Lawngtlai Office-ah chhung inkhawmna hun hman a ni a, he hun hi Pu F. Lallungruala General Secretary-in a kaihruai. Pu F. Biakchhunga Adviser-in hunserh a hmang a, Sam 62:11-12 leh Rom 2:6 thu a chhiara, “Pathian chuan mitin an thiltih ang zelin a rel sak ang” a ti.Thupui thlan bik hmangin ram tana tawngtairualna hun hman zui nghal a ni.

Pu H. Vanlalthaliana, Vice President-in thu sawiin, “British ram rorelna dungzui zela kan ram rorelna hi kal a ni a, nimahsela kan ram erawh economy-ah kan hniam hle a ni. Mipui vantlangin eizawnna ngialnghet engti zawngin nge kan neih theih ang tih ngaihtuahna seng ve turin Politics hi ka luh chilh a ni”a ti.” Mitin hian zalen leh dik taka Politics hi kan kalpui a tul hle a, chhiatnia kan inhmangaih ang chiah hian Politics field-ah pawh kan inhmangaih a tul a ni” a ti.

” Tunlaiin Opposition Party ten theihtawp chhuahin min bei thin a, min beihnaah hian ram hnuk khawih tak tak chu sawi tur a tam lem lo. Silchar to Aizawl road four lane hi MNF Sawrkar lai tawh khan tih fel leh sum awm tawh a ni a, compensation avangin thawh hleihtheih lohin a awm a,Kan Chief Minister leh kan ZPM sawrkar Pathianin mal a sawma, compensation buai pawh tih fel vek a ni a,hna pawh thawh tan theih a ni. Tin, AR Lammual pawh Party dang sawrkar-in theihtawp chhuahin sawn an tum a, an theih loh chu Pathianin kan Chief Minister Pu Lalduhoma leh ZPM Sawrkar kal tlangin min sawn sak ta a ni.

Kan ZPM Sawrkar hian mipuite tan awmze nei takin hma min lak sak mek zel a,Kawng chhe siam hna pawh a hmunah ngei kan MLA/ Minister ten an zuk vil a,kawng tha kan neih thuai beisei ang u.Tin,MUHCS ( Health care scheme) ah pawh chak takin hmalakna kalpui a ni bawk a,Sawrkar hmalakna hmu reng siin thil hai derin Opposition-te hian min bei vel mai mai a ni” Pu Thaliana chuan a ti.

Vice President Pu Thaliana chuan,” Tunlai LADC Sawrkar buai hi a pawi hle a,kan ram hmasawnna a thuanawp phah chin tam tak a awm.Kan area -ah hian sawrkar hmalakna tur tam tak kan nei a,kan hnam hi kan tanrual a ngai a,inngaihdam tlannate,induhsak tawnnate,leh Cooperation tha tak neia rinawm taka kan awm a tul hle a ni.Kan area-a KMMTTP kawng hi Central Sawrkar-in a ngaipawimawh deuh deuh zel dawn a,keimahni kan inhmangaiha kan tanho loh chuan kan tuar nasa dawn a ni.Kan inngaih pawimawh loh chuan chimralin kan awm palh a hlauhawm hle ang.Vawiin ni a kan sawrkar hrawn ZPM sawrkar hi, kalphung thar mipui sawrkar a nih ang ngeiin hmel thar tam tak kan hmu chho zel a ni”a ti.

He hunah hian MDC, Dist.ZPM hruaitute,Frontal hruaitute leh member-te kan tel tha.

Issue by:
Media & Publicity Dept
ZPM Lai Dist.Hqrs.Lawngtlai.