ADVISER TO CHIEF MINISTER DR. KC LALMALSAWMZAUVA’N THENZAWL A SAWHTHING SAWNGBAWLNA HMUN TURA RUAHMAN A HMUNAH A TLAWH

#ZONEWS Serchhip August 04, 2025: Dr. KC Lalmalsawmzauva, Adviser To CM (Implementation of Hand-holding policy) chuan vawiin chawhnu dar 1:00 khan Thenzawla Sawhthing sawngbawlna hmun tura ruahman (proposed site and existing buildings for Ginger processing) hi a hmunah a tlawh a, he hunah hian sawrkar department hrang hrang a hotu pawimawhte nen hmalak zel dan tur an sawiho a ni.

Mizoram Sawrkar chuan sawhthing man man zawka hralh a, a hlutna tipung turin Mizoram hmun thenkhatah Ginger Processing Unit din tum niin Thenzawl hi he unit dinna tur hmun pakhat atana thlan a ni a. A hmun tur a sawrkarin a en mek hi Thenzawl atanga km 5 vela hla Lunglei Road ah a ni a. Vawiin hian Adviser to CM Dr KC Malsawmzaua leh a team ten a hmunhma hi an tlawh a ni.

Adviser to CM in Sawhthing sawngbawlna tur hmun  ruahmanna a tlawhna ah hian Pi Ramdinliani, Spl.Secretary, A&FW Dept. and Member SICA&AS & MAMB. Pu L.P Lalchangkima, Member, MSPCC & SICA&AS and MD, ZIDCO. Pu Zohmingthanga, Member MSPCC & MAMB. Pi Laldikkimi, Member MSPCC & MAMB te bakah SDO(C) Thenzawl, District Commerce & Industries Officer (DCIO) Serchhip, Land Revenue & Settlement Department aiawhte an tel a ni.