Champhaiah Har Ghar Tiranga hman dan tur sawiho a ni

#ZONEWS Champhai August 06, 2025: Vawiin khan DC Chamber-ah Champhai Bawrhsap Pu Mohammad Aaquib hovin Har Ghar Tiranga hman dan tur rel a ni.

Meeting-ah hian Addl. DC, SDC, DEO, SDEO leh DIPRO an tel a, Har Ghar Tiranga hman dan tur hrang hrang, a hun leh hmun te, a tel turte leh chanvo insem dan tur te an rel a ni. Bawrhsap Pu Mohammad Aaquib chuan kan ram kan chawimawi theih dan kawng pawimawh tak a ni tih sawiin department te leh mipuiin he hun hi an ngaih pawimawh ngei a beisei thu a sawi.

Har Ghar Tiranga hi Azadi ka Amrit Mahotsav atanga chhuak a ni a, Tiranga (tricolour flag) mawina leh ropuina pholang tura mipui sawmna a ni. He hun hi Champhaiah August ni 2 atanga ni 15 thleng hman tur a ni dawn a, sikul hrang hrangah painting tihchhuah a ni ang a, Champhai hmun hrang hrangah exhibition – poster, banner leh cheimawi dang tarlan a ni bawk ang. August ni 11 hian rally huaihawt tum bawk a ni a, pisa leh mimal inah Indian national flag tar runpui neih a ni bawk ang.