Social Welfare Minister hovin Mizoram Social Defence and Rehabilitation Board (MSDRB) an thukhawm

#ZONEWS Aizawl August 07, 2025 : Vawiin khan Mizoram Social Defence and Rehabilitation Board (MSDRB) chu an chairman, Social Welfare and Tribal Affairs, Women&Child Development Department Minister ni bawk Pi Lalrinpuii hovin SAD Conference Hall, MINECO-ah an thukhawm.

Thutkhawmnaah hian MSDRB Vice Chairman leh member-secretary-te bakah a kaihhnawih Department hrang hrang aiawhte an tel a. Ruihhlo do tura MSDRB hmalakna hrang hrangte thlirho a nih bakah, MSDRB-in agenda a chhawpchhuahte ngaihtuahho a ni a; Member-secretary leh Social Welfare&Tribal Affairs, Women and Child Development Department Director kal chhuak tur Pi Lalhriatzuali Ralte thlahna hun hman nghal a ni.

Mizoram Social Defence and Rehabilitation Board hi ruihhlo dona leh ruihhlo ngaite enkawl kawnga hma la tura Mizoram sawrkarin kum 2015-a a din a ni.