District Level Nasha Mukt Bharat Abhiyan (NMBA) Committee huaihawtin Siaha-ah kawng zawh a ni

#ZONEWS Siaha August 13, 2025: District Level Nasha Mukt Bharat Abhiyan (NMBA) Committee, Siaha District huaihawtin tukin khan ruihtheihthil laka fihlim tlat tura infuihtharlehnan kawng zawh (walkathon) a ni a, Independence Day parade contingents rehearsal nei zo zirlaite leh official thahnem takin kawng hi an zawh a ni.

Ruihhlo leh a kaihhnawih hrang hrang laka India ram a fihlim theihna tura Sawrkar laipuia Ministry of Social Justice & Empowerment leh Mizoram State Social Defence & Rehabilitation Board-te tangkawp hnuaia National Action Plan for Drug Demand Reduction (NAPDDR) hmalakna, ‘Nasha Mukt Bharat- Drug Free India Campaign’ kalpuitu District Level Nasha Mukt Bharat Abhiyaan huaihawt walkathon hi SDFA Ground atanga Meisatla field thleng neih a ni a, walkathon neih tan hma hian District Bawrhsap Pu VL Hruaizela Khiangte chuan ruihhlo lakah fihlim tlat turin kalkhawmte hnenah fuihna thutawi a sawi a, District Nodal Officer for NMBA leh SDC ni bawk Pi Zorinsangi chuan kalkhawmte chu ruihhlo laka inthiarfihlim tura intiamkamna (pledge taking) a neihpui bawk a ni.