KOLASIBAH INDEPENDENCE DAY VAWI 79 NA ROPUI TAKA LAWM A NI

#ZONEWS Kolasib August 15, 2025 : Vawiin chawhma dar 9:00 khan Kolasib Sports Stadium, Project Veng-ah Independence Day vawi 79na chu ropui taka lawm a ni a. Pu Vanlalhlana, PWD , Transport & PAD Minister chu Khuallian a ni a, hnam puanzar pawt pharhin Parade Contingent-te chibai a chhang let.

Khuallian chuan he hunah hian thusawiin Independence Day vawi 79 na lawmna huna kal zawng zawngte chu chibai bukna hun a hmang a. Independence Day chu India ram zalenna atana an tha leh zung leh an nunna te hial thap a Zalenna sual tute zahna lan tirna hun pawimawh tak a nih thu a tarlang a. Zalenna hian chanvo leh hamthatna min pe satliah a ni lova, khua leh tui tha kan nih theihna turin keimahni ah tihtur min tuk ve a ni tih hi kan hriat a pawimawh takzet a ni’ a ti bawk.

Pu Vanlalhlana chuan Mizoram Chief Minister zahawm tak Pu Lalduhoma kaihhruaina hnuaiah hian kum khat chuang awrh kan sawrkar chhungin hmasawnna tamtak hmuh theih in a awm a ni, a ti.

Minister chuan ,“Sawrkar chuan intodelhna lama ke kan pen theihnan Bana Kaih Policy chu a kalpui mek zel a. He Bana KaihPolicy hmang hian Loneitute in a an thlai thar chhuahte man man taka an hralh theihna turin Sawrkar chuan Minimum Support Price-in heng Sawhthing, Hmarcha, Aieng lehHmunphiahte hi a leisak thin a. Kolasib District chhung ah hian Bana Kaih Policy atangin Sawrkarin Buhhum Quintal 1472.8; Kg khatah Cheng 30/- zelin a lei a, Sawhthing Quintal 512.21 leh Hmunphiah Quintal 21,090 a lei tawh a ni, a ti.

He hunah hian Mizoram Universal Health Care Scheme chungchang chu Khuallian hian sawi lang a. Sustainable Development Goal pawimawh tak zing a mi a ni, tiin, he scheme hmang hian damlo ten an inenkawlna zawng zawng a thlawnin an dawng a, mi tamtak in an chhawr tangkai tawhin an chhawr chhunzawm mek zel a ni, a ti.

Kolasiba Independence Day hmanna Khuallian Pu Vanlalhlana, PWD Minister chuan Kolasib District mipuite chu Sawrkar hmalaknate thlawpa ram kalsiam tura ke pen za ho turin sawmna thu a sawi zawhah Kolasib chhunga Sawrkar Department hrang hrangte kum liam ta chhunga an hmalakna thenkhatte tarlanna hun a hmang nghal a ni.

Kolasiba Independence Day vawi 79 hmanna ah hian Parade Contingent lawmman la tute hnenah Minister Pu Vanlalhlana chuan lawmman a sem a, lawmman dawngtute chu hetiang hi an ni:

Unarmed Contingent
1st – Govt. Diakkawn High School, Air wing
2nd – St. John’s Hr. Sec. School, Air wing
3rd – Govt. Kolasib College, NCC

School Contingent
1st – DIET Kolasib
2nd – JNV Thingdawl
3rd – Govt. Thingdawl High School

Rajya Puraskar Scouts & Guides Award
A. Guides
1) Hilda Zothanpuii d/o Zothansanga (L)
2) Mary C. Lalnghahmawii d/o C. Pachhuanga

B. Scouts
1. Samuel Lalduhsaka s/o Vanlalsiama
2. Benjamin Lalchhanhima s/o Lucy Zomuanpuii
3. RK Lalhruaimawia s/o R. Lalramnghaki
4. Victor Malsawmtluanga s/o R. Lalnghinglova
5. T. Vanlalhmangaihkima s/o T. Lalrinawma

Hemi bakah hian Independence Day 2025 puala Infiamna – Football, Badminton leh Basketball buatsaih a ni a. Badminton leh Basketball hi chawhma lamah lawmman semna neih nghal a ni a, hetiangin :

1. Kolasib District Badminton Association
i. Under 17 Girls Singles champion : K. Lalzarmawii
ii. Under 15 Boys Single Champion : Reuben Vanmalsawma
iii. Under 17 Boys Single Champion : Lalrintluanga
iv Under 17 Boys Doubles champion : PC. Malsawmzuala & Partner J. Lalrinkima

2. Kolasib District Basketball Association
i. 1st Division Champion : Filling Flaws Basketball Club

Kolasib Independence Day lawmna puala Football Tournament hi chawhnu lamah khelh a ni bawk.