MAMIT DISTRICT MAGISTRATE CHUAN DAN PHAL LOHA KUHVA LAKLUH CHUNGCHANG THUPEK A CHHUAH

#ZONEWS Mamit August 18, 2025 : Mamit District chhungah ram pawn atanga dan phal lohva lakluh Kuhva rah phur lirthei an kal thin tih hriat a ni a. Mizoram Sorkar Home Department thuchhuak No.F.22020/1/2022-HM (IMB) dt 8.08.2024 angin Kuhva ro (dry arecanuts) dan ang lova lak luh hian nghawng tha lo tak a neih avangin khapna thupek chhuah a tula hriat a nih avangin Pu K. Laltlawmlova, MCS, District Magistrate, Mamit District chuan Section 163 of Bhartiya Nagarik Suraksha Sanhita, 2023-in thuneihna a pek angin a hnuaia mi ang hian thupek a chhuah:-

“Mamit District chhung khawi hmunah mah dan ang ni lova kuhva ro lak luh leh phurh phal a ni lo”

He thupek zawm lo chu Section 223 of Bhartiya Nagarik Suraksha Sanhita, 2023 dan hmangin hrem theih an ni ang.

Thupek hian tul bik thila tihdanglam a nih loh chuan tihchhuah a nih Dt. 14th August, 2025 atanga thla 2 (hnih) chhung a huam ang.