UI KHUAHKHIRH CHUNGCHANGA LAWNGTLAI BAWRHSAP THUCHHUAH

#ZONEWS Lawngtlai August 18, 2025 : Ui khuahkhirh chungchangah Lawngtlai Bawrhsap chuan a hnuaia mi ang hian thuchhuah a siam.

ORDER

No. J. 11013/1/2025- DC (LTI) :-Tunlai hian Lawngtlai khawpui chhungah Ui khuahkhirh loh a tam hle a hriat a ni a, mipui nunphung a ti khaihlakin, harsatna nasa tak a siam a. Lawngtlai khawpui a lo thianghlim zawka mipuite kan lo him zawk nan leh kan lo hrisel zawk nan kan ui vulh chungchangah thupek chhuah tul a hriat a ni.

Chuvangin kei, CHEEMALA SIVA GOPAL REDDY, IAS DISTRICT MAGISTRATE, LAWNGTLAI DISTRICT, LAWNGTLAI chuan Section. 163, Bharatiya Nagarik Suraksha Sanhita, 2023 (BNSS) in thuneihna min pek angin heng a hnuaia thupek hi ka chhuah e.

1. Ui vulh tu ten an ui vulh an khuahkhirh tlat tur a ni.
2. Mi tu mahin Ui khawlaiah an chhuah tur a ni lo. An chhuah a nih pawhin a neitute’n chain-a thlungin an kai tur a ni.
3. An zun leh ek khawlaiah an hnutchhiah mai mai tur a ni lo.
4. Midang tan harsatna siam thei zawngin an vulh tur a ni lo.
5. Ui khuahkhirh lohvin mihring a seh chuan BNS, 2023 Section 291 hmangin Ui neitu chu thla 6(ruk) chhung lungin tan emaw Rs. 5,000/- thleng emaw chawi theih a ni.

He thupek zawm lo chu Section 223, Bharatiya Nyaya Sanhita, 2023 (BNS) dan hmangin hrem an ni ang.
He thupek hian Lawngtlai District pum a huam anga, thu leh awm hma chu tihchhuah a nih atanga thla hnih(2) chhung a huam ang.
He thupek hi vawiin Date 13.08.2025b hian District Magistrate Seal- a nemnghetin hming ka ziah hnan e.

Sd/-
CHEEMALA SIVA GOPAL REDDY, IAS
District Magistrate,
Lawngtlai
Dated Lawngtlai the 13th August, 2025