AIZAWL BAWRHSAPIN AADI KARMAYOGI ABHIYAAN CHUNGCHANG HRIATTIRNA A CHHUAH

#ZONEWS Aizawl August 20, 2025: Ministry of Tribal Affairs chuan a bulthuma sawrkarna tih chakna turin Aadi Karmayogi Abhiyaan hnuaiah chak takin hma a la meka. He Abhiyaan-in a tum ber chu Tribal Area bikah chak taka sawkar inrelbawlna kalpui a nih theih nana sawrkar mi leh sa nuai 20 chuang hruaitu tha ni thei tura chherchhuah a ni.

Ministry of Tribal Affairs hian Tribal Area hi ngai pawimawhin hriselna kaihhnawih (healthcare), zirna (education), hmasawnna ruhrel (infrastructure) leh sector dang hrang hrangte tha tawk lo angin lang mahse heng sector hrang hranga hmasawnna tur sawrkar scheme tamtak a awmsa a. Hetiang Tribal Area tana hamthatna awm angte tam thei ang bera dawn a nih theih nana uluk lehzuala chak taka sawkar inrelbawlna kalpui a nih theih nan a sawrkar mi leh sa te leh a thawhpuite training hmanga infuihttharna leh mipuite tana chhenfakawm ni tura inchherchhuahna hun neih hi a tum ber a ni.

Hemi a tan hian Aizawl District chhungah pawh hmalakna tamtak lo awm tawhin, District Nodal Person, District Level Master Trainer, Block Nodal Officer-te leh Aizawl District thawhpui tur Civil Society Organization-te pawh ruat tawh niin, anni hian State Process Lab-ah framing pal tlangin, training paltlang tawh te hian District Process Lab-ah leh Block Level Process Lab-ah field level staff thlenga training pek beihpui thlak tum a ni. Heng bakah hian District Responsive Governance Group leh War Room-te pawh siam tawh niin, chak lehzuala mipui lungawi lohna chinfel (Grievance Redressal Mechanism) kawngah District Level, Block Level leh Village Level thlenga chak taka chinfelna tur hmun Seva Centre din te leh, Department tin thawhhona (convergence) hmang tangkaia khaw hmasawnna’ tura Village” Action Plan siam te pawh a huam tel dawn a ni.

Hemi Abhiyaan beihpuiah hian Line Department hrang hrang tanhona mamawh a ni dawn a. Line Department hrang hrangte’n Aadi Karmayogi Abhiyan SOP/Guideline-a tarlan mahni chanvo theuh te tlin taka hlen tura ngen an ni a. Tin, Village/Local Council zawng zawngte pawh he Abhiyan hnuaiah hian Special Gram Sabha-te lo nei tur leh, Gram Sabha remchang apiangah he Abhiyaan tana hun remchang lo siama mipuite hriattirna leh thawhhona tha neih theihna tura hma la tura ngen leh hriattir an ni bawk.