LAWNGTLAI DISTRICT TRANSPORT OFFICER HNEN ATANGA HRIATTIRNA

#ZONEWS Lawngtlai August 21, 2025: District Transport Officer (DTO), Lawngtlai chuan Two Wheeler Taxi rawng thlak theih hun chungchangah a hnuaia mi ang hian hriattirna a tichhuak.

HRIATTIRNA

State Transport Authority – in Two Wheeler Taxi rawng thlak theih atana thla ruk chhung hun a pek chu a lo tawp ta a, nimahsela Dt. 5.8.25- a STA Meeting chuan taxi rawng thlak theih hun September 2025 thleng a pawt sei leh a, hemi hun chhunga Lawngtlai khawpui chhunga 2Wheeler taxi rawng thlak lo an awm anih chuan inhriatthiamna a awm tawh lovang.

A rawng awm dan leh a body sir a thil ziah tur pawh a hnuaia tarlan ang hian kalpui tur a ni. Hei hian he order chhuah hma-a rawng lo thlak tawh te chu a huam lo ang:

1. Two wheeler Taxi background colour atan hian a var (White or Off-White) hman tur a ni. Company in rawng (colour) a rawn pek lai zel kha a var tur chu a ni ang.
2. Two wheeler hnunglam pang sir tawn tawn ah a eng (yellow) inches 4 vel a lian in bei phei tur a ni a. A eng (yellow) ah hian ‘Lawngtlai Taxi’ tih a sen(red) in fiah taka ziah tur a ni. Hawrawp ler hman phal a nilo.
3. Lirthei hmalam (Front mudguard) chu a pumin rawng eng (yellow) tur a ni a. Mudguard hmalamah hian a sen (red) in ‘Taxi’ tih ziah lan tur a ni.
4. A chunga tarlan rawng eng (yellow) te hi a vaiin ‘Golden Yellow’ hman tur a ni.

Sd/-
(MARGARET J. VANLALREMMAWII)
District Transport Officer,
Lawngtlai : Mizoram.