4-LANE NATIONAL HIGHWAY SIAM MEK CHUNGCHANGAH KOLASIB DC HOVIN THUTKHAWMNA NEIH A NI

#ZONEWS Kolasib August 28, 2025 : Vawiin chawhma dar 11:00 khan Kolasib DC Conference Hall-ah, NHIDCL in Kolasib District huam chhunga 4-Lane kawngpui tur a laih mekna hmuna thing senghawi leh leivung paih chungchangah; Kolasib DC Pu Robert C. Lalhmangaiha kaihhruaina in thuthkhawmna neih a ni.

He thutkhawmna ah hian Pu Robert C Lalhmangaiha chuan 4-Lane kawngpui siam hnathawh mekah Forest Department-te thing kihin Electric Line a tihchhiat thu leh; hemi avang hian Vairengte Sub-Division huamchhungah ni 3 chhung Power Supply a awm loh phah chu pawi a tih thu a sawi a. Hetiang thil hi a thleng nawn tawh lohna turin fimkhur taka hnathawh a tul thu a sawi bawk. Kolasib DC chuan hmasawnna hna kan thawhna hian mipui nungphung a ti khaihlak tur a ni lova, hei hi Department kaihhnawihte leh NHIDCL leh an hnuaia Contractor-te pawhin an hrechiang tur a ni a ti.

He hunah hian Pi B. Malsawmtluangi, Addl. DC leh Competent Authority for Land Acquisition (CALA) ni bawk chuan, NHIDCL in 4-Lane kawngpui an laih meka harsatna awm thei – leivung paih chungchang leh Forest Department-in kawng laih tura thing an senghawi mekah an hmalakna leh an ruahmannate District Administration-ah hriattir thin turin a chah nghal bawk.

Pu Jonathan Lalhruaitluanga, Assistant Conservator of Forests (ACF) chuan 4-Lane kawngpui siam hnathawh kal meka Forest Department hmalakna Report a pe a. June thla tir atangin thingkung senghawi hna an tan a ni, a ti a. Package 3 ah 73% thingkung senghawi hna tawh zawh tawh niin, Package 4 ah 77% zawh a ni a. Package 5 leh 6 ah chuan thingkung sengkhawm hna an zo deuh thaw tawh thu a tarlang bawk.

4-Lane kawngpui sial meka leivung paih dan chungchangah hian Kolasib DC Pu Robert C. Lalhmangaiha chuan tuihna tichhe lo zawnga hmalak a pawimawh thu NHIDCL leh an hnuaia Contractor-te chu a hrilh a. Kawngpui laihna leivung paih avanga Environment-in a tawrh loh dan tur ngaihtuah reng a tul thu sawiin he kawngpui laih turin a paltlang khawtlang hruaitute nen en hova leivung paih dan tur ruahmanna tha zawk siam thin nise a ti a. Mimal ram a leivung paih chungchangah NHIDCL leh an hnuaia Contractor te chuan ram neitute nen inberawn a, a tul anga hma la tur a rel a ni bawk.

Tun dinhmunah 4-Lane kawngpui siam Project-a Package 3 huamchhung a Vairengte khua leh a chheh velah kawngpui laih hna hi thawh tan a ni tawh a ni.

4-LANE NATIONAL HIGHWAY SIAM MEK CHUNGCHANGAH KOLASIB DC HOVIN THUTKHAWMNA NEIH A NI

1883/2025-2026

Dated Kolasib the 28th August, 2025 : Vawiin chawhma dar 11:00 khan Kolasib DC Conference Hall-ah, NHIDCL in Kolasib District huam chhunga 4-Lane kawngpui tur a laih mekna hmuna thing senghawi leh leivung paih chungchangah; Kolasib DC Pu Robert C. Lalhmangaiha kaihhruaina in thuthkhawmna neih a ni.

He thutkhawmna ah hian Pu Robert C Lalhmangaiha chuan 4-Lane kawngpui siam hnathawh mekah Forest Department-te thing kihin Electric Line a tihchhiat thu leh; hemi avang hian Vairengte Sub-Division huamchhungah ni 3 chhung Power Supply a awm loh phah chu pawi a tih thu a sawi a. Hetiang thil hi a thleng nawn tawh lohna turin fimkhur taka hnathawh a tul thu a sawi bawk. Kolasib DC chuan hmasawnna hna kan thawhna hian mipui nungphung a ti khaihlak tur a ni lova, hei hi Department kaihhnawihte leh NHIDCL leh an hnuaia Contractor-te pawhin an hrechiang tur a ni a ti.

He hunah hian Pi B. Malsawmtluangi, Addl. DC leh Competent Authority for Land Acquisition (CALA) ni bawk chuan, NHIDCL in 4-Lane kawngpui an laih meka harsatna awm thei – leivung paih chungchang leh Forest Department-in kawng laih tura thing an senghawi mekah an hmalakna leh an ruahmannate District Administration-ah hriattir thin turin a chah nghal bawk.

Pu Jonathan Lalhruaitluanga, Assistant Conservator of Forests (ACF) chuan 4-Lane kawngpui siam hnathawh kal meka Forest Department hmalakna Report a pe a. June thla tir atangin thingkung senghawi hna an tan a ni, a ti a. Package 3 ah 73% thingkung senghawi hna tawh zawh tawh niin, Package 4 ah 77% zawh a ni a. Package 5 leh 6 ah chuan thingkung sengkhawm hna an zo deuh thaw tawh thu a tarlang bawk.

4-Lane kawngpui sial meka leivung paih dan chungchangah hian Kolasib DC Pu Robert C. Lalhmangaiha chuan tuihna tichhe lo zawnga hmalak a pawimawh thu NHIDCL leh an hnuaia Contractor-te chu a hrilh a. Kawngpui laihna leivung paih avanga Environment-in a tawrh loh dan tur ngaihtuah reng a tul thu sawiin he kawngpui laih turin a paltlang khawtlang hruaitute nen en hova leivung paih dan tur ruahmanna tha zawk siam thin nise a ti a. Mimal ram a leivung paih chungchangah NHIDCL leh an hnuaia Contractor te chuan ram neitute nen inberawn a, a tul anga hma la tur a rel a ni bawk.

Tun dinhmunah 4-Lane kawngpui siam Project-a Package 3 huamchhung a Vairengte khua leh a chheh velah kawngpui laih hna hi thawh tan a ni tawh a ni.