CHAMPHAIA TEACHERS’ DAY HMAN DAN TUR REL

#ZONEWS Champhai August 29, 2025: Vawiin chawhma dar 11 khan Champhai DC Conference Hall, Keifangtlangah Champhai District chhunga Teachers’ Day hman dan tur ngaihtuahin District Level Working Committee on Teachers’ Day 2025 an thukhawm a. Chairman, District Bawrhsap Pu Mohammad Aaquib chuan meeting hi a kaihruai a, Committee member-te an tel tha hle.

Meeting kaihruaitu District Bawrhsap chuan zirtirtute hlut zia leh pawimawh zia inzirtir uar a tul thu sawiin, naupangten zirtirtute an zahna lantir tur leh chawimawi theihna tura Teachers’ Day lawmna programme duang turin member-te a sawm.

He meeting hian Teachers’ Day, 2025 chu ‘State Level Working Committee for Celebration of Teachers’ Day 2025′ kaihhruaina siam zulzuiin Champhaiah September ni 4 hian hman ni se tiin a rel a, zirnain hrang hrangah urhsun tak hman tur a ni ang. Teachers’ Day-ah hian zirna in pathum Govt. Gandhi Memorial Higher Secondary School, R. Hranga High School leh Govt. Vengthlang Middle School-ah te zirlai naupang ten zirtirtu nunchan entir tur niin zirtirtute chawimawina banner leh standee hmun thum a tar tur a ni. Teacher Day 2025 pual vek hian zirna in hrang hrang atanga zirlai thlan chhuah te nen September ni 12, 2025 ah Tlak Show  Kahrawt VC Hall ah neih tur a ni bawk ang.

CHAMPHAIA TEACHERS’ DAY HMAN DAN TUR REL

1894/2025-2026

Champhai, dated 29th August 2025: Vawiin chawhma dar 11 khan Champhai DC Conference Hall, Keifangtlangah Champhai District chhunga Teachers’ Day hman dan tur ngaihtuahin District Level Working Committee on Teachers’ Day 2025 an thukhawm a. Chairman, District Bawrhsap Pu Mohammad Aaquib chuan meeting hi a kaihruai a, Committee member-te an tel tha hle.

Meeting kaihruaitu District Bawrhsap chuan zirtirtute hlut zia leh pawimawh zia inzirtir uar a tul thu sawiin, naupangten zirtirtute an zahna lantir tur leh chawimawi theihna tura Teachers’ Day lawmna programme duang turin member-te a sawm.

He meeting hian Teachers’ Day, 2025 chu ‘State Level Working Committee for Celebration of Teachers’ Day 2025′ kaihhruaina siam zulzuiin Champhaiah September ni 4 hian hman ni se tiin a rel a, zirnain hrang hrangah urhsun tak hman tur a ni ang. Teachers’ Day-ah hian zirna in pathum Govt. Gandhi Memorial Higher Secondary School, R. Hranga High School leh Govt. Vengthlang Middle School-ah te zirlai naupang ten zirtirtu nunchan entir tur niin zirtirtute chawimawina banner leh standee hmun thum a tar tur a ni. Teacher Day 2025 pual vek hian zirna in hrang hrang atanga zirlai thlan chhuah te nen September ni 12, 2025 ah Tlak Show  Kahrawt VC Hall ah neih tur a ni bawk ang.