HOME MINISTER PU K SAPDANGA’N VAIRENGTE SUB-DIVISION HUAM CHHUNGA ILP CHECKGATE LEH HMUN PAWIMAWH DANGTE A TLAWH

#ZONEWS Kolasib September 1, 2025 : August ni 30 chawhnu khan Home Minister, Pu K. Sapdanga chuan Kolasib District leh Cachar District, Assam inrina hmun, Vairengte Sub-Division tlawhin; Inner Line Permit (ILP) Check Gate leh Police Duty Post-te a hmunah a tlawh.

Vairengte Joint YMA Committee room a Central YMA hruaitute leh Vairengte khawtlang hruaitute nen inkawmkhawmna buatsaih ah Home Minister chuan thu sawiin, tunhnai ah Assam State atangin Mizoram ram lama document fel fai neilo a rawn luh tum an awm thin a, chumi avang chuan Mizoram luhka a Police Station Check Gate-ah ILP pek chhuah hna pawh fimkhur taka kalpui a ni , a ti . Vawiin a Kolasib District chhunga ILP Check Gate leh Police Duty Post-te a tlawh chhan chu heng Sawrkar hmun pawimawhte dinhmun enfiah a, harsatna awmte sutkian dan ngaihtuah turin a nih thu a sawi bawk. Pu K. Sapdanga chuan Vairengte chu Mizoram tana State dang pawhna hmunpui ber – Mizoram kawtchhuak a nih thu a sawi a. Hemi avang hian dan lova thiltih leh ruihhlo tawlhna kawng lian tak a nih theih thu sawiin, he huna kalkhawm Central YMA hruaitute leh Vairengte khawtlang hruaitute chu ram leh hnam humhalh kawnga Sawrkar hmalakna thlawp leh zual turin a chah bawk a ni.

He inkawmkhawmna hi Pu Lalhmachhuana, Central YMA President chuan a kaihhruai a, Ruihhlo dona leh hnam humhalhna kawnga hmalak dan turte he hunah sawihona neih nghal a ni bawk. Home Minster hian Vairengte a Transport Department MVI Check Gate leh Weight Bridge-te a tlawh bakah Taxation Department Check Gate chu tlawh nghalin, heng Check Gate-te hi tun aia mumal zawka kalpui dan tur a hmunah sawihona neih nghal a ni.

Home Minister, Pu K. Sapdanga’n Kolasib District chhunga ILP Check Gate, Police Duty Post leh Sawrkar hmun pawimawhte a tlawhna ah hian Pu Lalfamkima, Deputy Speaker; Adviser to CM pahnih, Pu TBC Lalvenchhunga leh Pu Lalmuanpuia Punte, Home Secretary, Pu Vanlalmawia,  Pu Robert C. Lalhmangaiha, DC Kolasib, Pi Lalthangpuii Pulamte, AIG(OPS) ,Pu David H. Lalthangliana, SP Kolasib te leh Commandant 1st Battalion IR Mualvum, Central leh Kolasib Sub Hqrs YMA hruaitute leh hruaitu dang ten an tawiawm a ni.

HOME MINISTER PU K SAPDANGA’N VAIRENGTE SUB-DIVISION HUAM CHHUNGA ILP CHECKGATE LEH HMUN PAWIMAWH DANGTE A TLAWH

1928/2025-2026

Dated Kolasib the 1st September, 2025 : August ni 30 chawhnu khan Home Minister, Pu K. Sapdanga chuan Kolasib District leh Cachar District, Assam inrina hmun, Vairengte Sub-Division tlawhin; Inner Line Permit (ILP) Check Gate leh Police Duty Post-te a hmunah a tlawh.

Vairengte Joint YMA Committee room a Central YMA hruaitute leh Vairengte khawtlang hruaitute nen inkawmkhawmna buatsaih ah Home Minister chuan thu sawiin, tunhnai ah Assam State atangin Mizoram ram lama document fel fai neilo a rawn luh tum an awm thin a, chumi avang chuan Mizoram luhka a Police Station Check Gate-ah ILP pek chhuah hna pawh fimkhur taka kalpui a ni , a ti . Vawiin a Kolasib District chhunga ILP Check Gate leh Police Duty Post-te a tlawh chhan chu heng Sawrkar hmun pawimawhte dinhmun enfiah a, harsatna awmte sutkian dan ngaihtuah turin a nih thu a sawi bawk. Pu K. Sapdanga chuan Vairengte chu Mizoram tana State dang pawhna hmunpui ber – Mizoram kawtchhuak a nih thu a sawi a. Hemi avang hian dan lova thiltih leh ruihhlo tawlhna kawng lian tak a nih theih thu sawiin, he huna kalkhawm Central YMA hruaitute leh Vairengte khawtlang hruaitute chu ram leh hnam humhalh kawnga Sawrkar hmalakna thlawp leh zual turin a chah bawk a ni.

He inkawmkhawmna hi Pu Lalhmachhuana, Central YMA President chuan a kaihhruai a, Ruihhlo dona leh hnam humhalhna kawnga hmalak dan turte he hunah sawihona neih nghal a ni bawk. Home Minster hian Vairengte a Transport Department MVI Check Gate leh Weight Bridge-te a tlawh bakah Taxation Department Check Gate chu tlawh nghalin, heng Check Gate-te hi tun aia mumal zawka kalpui dan tur a hmunah sawihona neih nghal a ni.

Home Minister, Pu K. Sapdanga’n Kolasib District chhunga ILP Check Gate, Police Duty Post leh Sawrkar hmun pawimawhte a tlawhna ah hian Pu Lalfamkima, Deputy Speaker; Adviser to CM pahnih, Pu TBC Lalvenchhunga leh Pu Lalmuanpuia Punte, Home Secretary, Pu Vanlalmawia,  Pu Robert C. Lalhmangaiha, DC Kolasib, Pi Lalthangpuii Pulamte, AIG(OPS) ,Pu David H. Lalthangliana, SP Kolasib te leh Commandant 1st Battalion IR Mualvum, Central leh Kolasib Sub Hqrs YMA hruaitute leh hruaitu dang ten an tawiawm a ni.