Chief Minister-in, 3rd Mithun Day leh National Seminar on Integrated Mithun Farming Thenzawl-ah hmanpui

#ZONEWS Thenzawl September 1, 2025 – Vawiin khan Chief Minister, Pu Lalduhoma chuan 3rd Mithun Day leh National Seminar on Integrated Mithun Farming, Mizoram AH & Vety Department leh ICAR- CIRG te tangkawpin Thenzawl Auditorium-a an buatsaih chu khuallian niin a hmanpui.

Chief Minister chuan, Mizorama 3rd National Mithun Day leh National Seminar buatsaih a ni chu lawmawm a tih thu a sawi a. Sial vulh hi North East state mipui tam takte nunphung nen an inzawm tlat a, Mizo hnam nunah pawh dinhmun pawimawh tak luahtu, hausakna tehkhawng atana hman thin a ni. Vawiin thlengin chhungkaw tam takin eizawnna pengah Sial vulh an la kalpui a, khaw 41 velah kan uar zual. Sial hlutna hi a tlahniam thei lo va, kan eizawnna kawngah dinhmun pawimawh tak a chang zui zel a ni.

Agriculture & Allied Sector-a kan thawhchhuah zawng zawng zaa 23 vel hi AH & Vety lam atanga hmuh a ni a. Chutihlaiin kum khat chhungin Rs. 630 crore man vel sa kan eiral a, chung zinga Rs. 40 crore man vel hi state pawn atanga kan lakluh an la ni. Hei hian sa tharchhuah lama tan lak a la tulzia leh ka ranvulhtute tihchak deuh deuh a tulzia a tilang a.

Mipui zingah pawh ran vulha eizawng duh hi kan la tam hle a, Handholding Scheme Pilot Phase -ah pawh khan Loan Component-ah mi 3,647 leh CM Special Package-ah mi 13,019 te chuan ranvulh lama hmalak an rawn dil a ni. Mizoram chu ranvulhna atana ram tha ni mah se a vulh dan thiamna lamah tan lakna tur tam tak kan la nei thung a. Training tam zawk neih leh hmanraw tha zawk chhawp kawngah te hmasawnna tur kan la ngah hle.

Northeastern Council tanpuiin Mithun Multiplication Centre, Lungkawlh-ah a siam a ni a, Rashtriya Gokul Mission hmangin Mithun Breed Development & Conservation Centre, Thenzawl-ah kan siam bawk a. Hengte hi an tangkai hle dawn a, kan lawm hle.

Sial bikah hian Nuclues Station te, Scientific Breeding Centre te kan la mamawh a, NCR Mithun lamin he mi kawngah hian min tanpui theih kan beisei. Mi tam takin Kel vulh an uar tan a, Kel vulh lamah hian tawnhriat kan la ngah loh avangin ICAR – CIRG tanpuina hi kan la mamawh tual tual dawn a ni, tiin ICAR nena thawhhona tha neih zel a tul thu pawh a tarlang.

Khualzahawm pahnih Pu C. Lalsawivunga, AH & Vety Minister leh Pu Gabriel D. Wangsu, Agriculture & Allied Minister, Arunachal Pradesh te pawhin thusawina hun an hmang bawk.

Dr. Girish Patil, Director, ICAR -NRCM chuan kal khawmte lawmna sawiin India hmarchhak biala Sial vulh tihpunna kawnga hma an lak dan tlangpui a tarlang a, Pu Iboyaima, Adviser, NEC pawhin NEC kaltlanga Sial vulhpunna lama hma an lak dan a tarlang.

Mithun Day lawmnaah hian Pu C. Lalsawivunga, AH & Vety Minister leh Pu Gabriel D. Wangsu, Agriculture & Allied Minister, Arunachal Pradesh te chu Guest of Honour an ni a, Dr. Raghavendra Bhatta, DDG (AS), ICAR, New Delhi chu Special Guest a ni. Mr. Iboyaima Meitei, Adviser, NEC, Pu Lalsangliana, Secretary, AH &Vety, Mizoram, leh Dr. Girish Patil, Director, ICAR-NRCM te bakah Arunachal Pradesh leh Nagaland atangin officials leh scientists te pawh an rawn tel.

Chawhnu lamah National Seminar on Integrated Mithun, Goat, Poultry & Pig Farming neih zui a ni.

Chief Minister-in, 3rd Mithun Day leh National Seminar on Integrated Mithun Farming Thenzawl-ah hmanpui

1930/2025-2026

Thenzawl, September 1, 2025 – Vawiin khan Chief Minister, Pu Lalduhoma chuan 3rd Mithun Day leh National Seminar on Integrated Mithun Farming, Mizoram AH & Vety Department leh ICAR- CIRG te tangkawpin Thenzawl Auditorium-a an buatsaih chu khuallian niin a hmanpui.

Chief Minister chuan, Mizorama 3rd National Mithun Day leh National Seminar buatsaih a ni chu lawmawm a tih thu a sawi a. Sial vulh hi North East state mipui tam takte nunphung nen an inzawm tlat a, Mizo hnam nunah pawh dinhmun pawimawh tak luahtu, hausakna tehkhawng atana hman thin a ni. Vawiin thlengin chhungkaw tam takin eizawnna pengah Sial vulh an la kalpui a, khaw 41 velah kan uar zual. Sial hlutna hi a tlahniam thei lo va, kan eizawnna kawngah dinhmun pawimawh tak a chang zui zel a ni.

Agriculture & Allied Sector-a kan thawhchhuah zawng zawng zaa 23 vel hi AH & Vety lam atanga hmuh a ni a. Chutihlaiin kum khat chhungin Rs. 630 crore man vel sa kan eiral a, chung zinga Rs. 40 crore man vel hi state pawn atanga kan lakluh an la ni. Hei hian sa tharchhuah lama tan lak a la tulzia leh ka ranvulhtute tihchak deuh deuh a tulzia a tilang a.

Mipui zingah pawh ran vulha eizawng duh hi kan la tam hle a, Handholding Scheme Pilot Phase -ah pawh khan Loan Component-ah mi 3,647 leh CM Special Package-ah mi 13,019 te chuan ranvulh lama hmalak an rawn dil a ni. Mizoram chu ranvulhna atana ram tha ni mah se a vulh dan thiamna lamah tan lakna tur tam tak kan la nei thung a. Training tam zawk neih leh hmanraw tha zawk chhawp kawngah te hmasawnna tur kan la ngah hle.

Northeastern Council tanpuiin Mithun Multiplication Centre, Lungkawlh-ah a siam a ni a, Rashtriya Gokul Mission hmangin Mithun Breed Development & Conservation Centre, Thenzawl-ah kan siam bawk a. Hengte hi an tangkai hle dawn a, kan lawm hle.

Sial bikah hian Nuclues Station te, Scientific Breeding Centre te kan la mamawh a, NCR Mithun lamin he mi kawngah hian min tanpui theih kan beisei. Mi tam takin Kel vulh an uar tan a, Kel vulh lamah hian tawnhriat kan la ngah loh avangin ICAR – CIRG tanpuina hi kan la mamawh tual tual dawn a ni, tiin ICAR nena thawhhona tha neih zel a tul thu pawh a tarlang.

Khualzahawm pahnih Pu C. Lalsawivunga, AH & Vety Minister leh Pu Gabriel D. Wangsu, Agriculture & Allied Minister, Arunachal Pradesh te pawhin thusawina hun an hmang bawk.

Dr. Girish Patil, Director, ICAR -NRCM chuan kal khawmte lawmna sawiin India hmarchhak biala Sial vulh tihpunna kawnga hma an lak dan tlangpui a tarlang a, Pu Iboyaima, Adviser, NEC pawhin NEC kaltlanga Sial vulhpunna lama hma an lak dan a tarlang.

Mithun Day lawmnaah hian Pu C. Lalsawivunga, AH & Vety Minister leh Pu Gabriel D. Wangsu, Agriculture & Allied Minister, Arunachal Pradesh te chu Guest of Honour an ni a, Dr. Raghavendra Bhatta, DDG (AS), ICAR, New Delhi chu Special Guest a ni. Mr. Iboyaima Meitei, Adviser, NEC, Pu Lalsangliana, Secretary, AH &Vety, Mizoram, leh Dr. Girish Patil, Director, ICAR-NRCM te bakah Arunachal Pradesh leh Nagaland atangin officials leh scientists te pawh an rawn tel.

Chawhnu lamah National Seminar on Integrated Mithun, Goat, Poultry & Pig Farming neih zui a ni.