Thlalak thehluh theih

#ZONEWS Aizawl September 1, 2025 : Information & Public Relations Department chuan ‘Mizoram State Wall Calendar 2026’ a tarlan turin, thlalak lama tui mi a duh apiang tan Mizoram hlimthla lanna thlalak mawi leh hlutawm an lak te thehlut turin a sawm a. Thlalak hi RAW format a thehluh tur a ni a. RAW a thla la thei lo tan Original jpeg image of TIFF-a thehluh tur a ni a. Thlalak khawih danglam (edit) chu pawm a ni dawn lova, September ni 23, 2025 thleng Directorate of Information and Public Relations, Treasury Square-ah thehluh theih niin Department e-mail diprmizoram@gmail.com-ah pawh thawn theih a ni bawk ang. Thlalak thehluttute hian Thlalak hming (Caption), Thlalatu Hming, Khua, Veng leh Phone No. an tarlang ngei ngei tur a ni.