CHAMPHAIAH ZIRTIRTUTE NI VAWI 64-NA HMAN A NI

#ZONEWS Champhai September 04,2025: Vawiin khan Champhai District-a zirna in hrang hrangah Zirtirtute Ni vawi 64-na urhsun taka hman a ni.

Pu Mohammad Aaquib, District Bawrhsapin zirna in pathum Govt. GM Higher Secondary School, Govt R. Hranga High School, Govt. Vengthlang Middle School leh BC Lalthlamuana English Academy-ah te zirlai naupang te’n zirtirtu nunchan an entirna hmun a fang a, he hunah hian thu sawiin Zirtirtute Ni pualin District chhunga Zirtirtute zawng zawngte zahna chibai a buk a, Zirlaite chu anmahni kaihruaitu Zirtirtute zah tur leh an thusawite uluk taka ngaithla thin tur leh a taka zawma nunpui turin a fuih. Zirlai naupangte chu Zirtirtute thawhrimna hre renga, hlawhtlinna duhawm tak hmanga chhangleta chawimawi tum turin a chah a. Zirlai an nih chhung pawha khawtlang hmel ti mawitu ni a, thil tha tih kawngah midangte entawn ni a, midang tana zirtirtu leh kawhhmuhtu nih tum turin a chah bawk a ni.

Zirtirtute Ni lawmnaah hian India president pahnihna Dr S. Radhakrishnan chanchin leh Education Minister thuchah zirlai naupang te hriattura chhiar chhuah a ni a. Champhai khawpui hulum laiah zirtirtute chawimawina banner leh Zirtirtu tha chawimawina dawngtu te thlalak (standee) hmun thumah tar chhuah a ni bawk. Champhai District atangin Zirtirtu tha chawimawina National Award mi pali (4), State Award mi pasarih (7) leh Prof. Sharma Award mi pakhat(1) te’n an lo dawng tawh a ni.

Zirtirtute Ni pual hian District Level Working Comittee for Celebration of Teachers’ Day 2025- in a lo rel tawh angin Champhai District-a All India Services Officer te nen zirna in pariat (8) atanga zirlai thlan chhuah te nen zirna pawihmawh zia sawiho a inkawmna hun  September ni 12, 2025 hian Kahrawt Hall-ah an nei leh dawn a ni.

CHAMPHAIAH ZIRTIRTUTE NI VAWI 64-NA HMAN A NI

1982/2025-2026

Champhai, dated 4th September 2025: Vawiin khan Champhai District-a zirna in hrang hrangah Zirtirtute Ni vawi 64-na urhsun taka hman a ni.

Pu Mohammad Aaquib, District Bawrhsapin zirna in pathum Govt. GM Higher Secondary School, Govt R. Hranga High School, Govt. Vengthlang Middle School leh BC Lalthlamuana English Academy-ah te zirlai naupang te’n zirtirtu nunchan an entirna hmun a fang a, he hunah hian thu sawiin Zirtirtute Ni pualin District chhunga Zirtirtute zawng zawngte zahna chibai a buk a, Zirlaite chu anmahni kaihruaitu Zirtirtute zah tur leh an thusawite uluk taka ngaithla thin tur leh a taka zawma nunpui turin a fuih. Zirlai naupangte chu Zirtirtute thawhrimna hre renga, hlawhtlinna duhawm tak hmanga chhangleta chawimawi tum turin a chah a. Zirlai an nih chhung pawha khawtlang hmel ti mawitu ni a, thil tha tih kawngah midangte entawn ni a, midang tana zirtirtu leh kawhhmuhtu nih tum turin a chah bawk a ni.

Zirtirtute Ni lawmnaah hian India president pahnihna Dr S. Radhakrishnan chanchin leh Education Minister thuchah zirlai naupang te hriattura chhiar chhuah a ni a. Champhai khawpui hulum laiah zirtirtute chawimawina banner leh Zirtirtu tha chawimawina dawngtu te thlalak (standee) hmun thumah tar chhuah a ni bawk. Champhai District atangin Zirtirtu tha chawimawina National Award mi pali (4), State Award mi pasarih (7) leh Prof. Sharma Award mi pakhat(1) te’n an lo dawng tawh a ni.

Zirtirtute Ni pual hian District Level Working Comittee for Celebration of Teachers’ Day 2025- in a lo rel tawh angin Champhai District-a All India Services Officer te nen zirna in pariat (8) atanga zirlai thlan chhuah te nen zirna pawihmawh zia sawiho a inkawmna hun  September ni 12, 2025 hian Kahrawt Hall-ah an nei leh dawn a ni.