Saitualah Zirtirtute Ni ropui takin hmang

#ZONEWS Saitual September 05, 2025 (Ningani) : Saitual District Committee on Celebration of Teachers Day 2025 huaihawtin  a vawi khat nan  hmun khatah Dorawta Hall Saitualah Zirtirtute Ni ropui taka lawmna buatsaih a ni.

He ni lawmnaa hun hmanpuitu  Saitual Bawrhsap leh khuallian ni bawk Dr.Lalngura Tlau chuan   zirtirtu kalkhawm zawng zawngte duhsakna chibai a buk a, Zirtirtu Ni lawm dan tur reltu committee thawhhona țha tak avangin kum danga la hman ngai loh ang a, a huhova an hmang thei leh block level a an hmang thei bawk chu lawmawm a tih thu a sawi.

Khuallian chuan Zirtirtute chu ramin a neih ro hlu ber enkawltu an nih inhre thar se a duh thu a sawi a, ram hmasawn ni thei turin heng rohlute hi uluk taka enkawl chhoh a ngai a ni a ti.  Naupang rilru leh ngaihtuahna kaihruai thei chu zirtirtu a ni a, zirna, finna leh hriatna nei hmasa si lova sum ringawt ngaihtuah hma lutuk chuan hmasawnna ni lovin chhiatna a thlen zawk țhin a ni. Naupangte chu rilru inbuk tawk taka an seilen theih nan zirtirtute chu an pawimawh a ni, a ti bawk.

Vawiin zirtirtute Ni lawmna inkhawm hi Pu Laldingliana DEO & DPC Samagra Shiksha in a kai hruai a, Pastor PC. Lalrinchhuanga PCI Saitual Chhimveng Bialtu chuan hunserh hmangin Pu R Lalhmangaiha Dy. DPC Samagra Shiksha Saitualin inhmelhriattirna hun a hmang a, hun tawpah Pu Laldingliana DEO/DPC Saitualin lawmthu sawiin hun a khar.

He huna pensioner leh zirtirtu  kal zawng zawngte chu lawmpuina parthi hlan an ni a, Saitual town huam chhunga zirtirtute leh pensioner te, National Award leh State Award dawngtute bakah  sawm bikte an kal țha hle. Kalkhawmten an remchan ang thawhlawm an lakkhawm tlingkhawm hi ₹21,340.00 a ni a,chu chu District Hospital Poor Fund ₹ 6,340.00,Hlimna In (Girl’s Home), ₹5,000.00,Serenity Boy’s Home Saitual ₹ 5,000.00 leh Sangtea Memorial Camping Centre Saitual ₹ 5,000.00 ah hlan a ni bawk.

Vawiin Zirtirtute Ni hi Ngopa leh Phullen block ah te pawh hman a ni.

Saitualah Zirtirtute Ni ropui takin hmang

2011/2025-2026

Saitual, the 4th September  2025 (Ningani) : Saitual District Committee on Celebration of Teachers Day 2025 huaihawtin  a vawi khat nan  hmun khatah Dorawta Hall Saitualah Zirtirtute Ni ropui taka lawmna buatsaih a ni.

He ni lawmnaa hun hmanpuitu  Saitual Bawrhsap leh khuallian ni bawk Dr.Lalngura Tlau chuan   zirtirtu kalkhawm zawng zawngte duhsakna chibai a buk a, Zirtirtu Ni lawm dan tur reltu committee thawhhona țha tak avangin kum danga la hman ngai loh ang a, a huhova an hmang thei leh block level a an hmang thei bawk chu lawmawm a tih thu a sawi.

Khuallian chuan Zirtirtute chu ramin a neih ro hlu ber enkawltu an nih inhre thar se a duh thu a sawi a, ram hmasawn ni thei turin heng rohlute hi uluk taka enkawl chhoh a ngai a ni a ti.  Naupang rilru leh ngaihtuahna kaihruai thei chu zirtirtu a ni a, zirna, finna leh hriatna nei hmasa si lova sum ringawt ngaihtuah hma lutuk chuan hmasawnna ni lovin chhiatna a thlen zawk țhin a ni. Naupangte chu rilru inbuk tawk taka an seilen theih nan zirtirtute chu an pawimawh a ni, a ti bawk.

Vawiin zirtirtute Ni lawmna inkhawm hi Pu Laldingliana DEO & DPC Samagra Shiksha in a kai hruai a, Pastor PC. Lalrinchhuanga PCI Saitual Chhimveng Bialtu chuan hunserh hmangin Pu R Lalhmangaiha Dy. DPC Samagra Shiksha Saitualin inhmelhriattirna hun a hmang a, hun tawpah Pu Laldingliana DEO/DPC Saitualin lawmthu sawiin hun a khar.

He huna pensioner leh zirtirtu  kal zawng zawngte chu lawmpuina parthi hlan an ni a, Saitual town huam chhunga zirtirtute leh pensioner te, National Award leh State Award dawngtute bakah  sawm bikte an kal țha hle. Kalkhawmten an remchan ang thawhlawm an lakkhawm tlingkhawm hi ₹21,340.00 a ni a,chu chu District Hospital Poor Fund ₹ 6,340.00,Hlimna In (Girl’s Home), ₹5,000.00,Serenity Boy’s Home Saitual ₹ 5,000.00 leh Sangtea Memorial Camping Centre Saitual ₹ 5,000.00 ah hlan a ni bawk.

Vawiin Zirtirtute Ni hi Ngopa leh Phullen block ah te pawh hman a ni.