VAIVAKAWN TRAFFIC TAWT TIHZIAAWM NAN PWD MINISTER LEH AIZAWL WEST JOINT YMA HRUAITUTE AN THUKHAWM

#ZONEWS Aizawl September 06, 2025: Tukin khan Conference Hall, Vaivakawn Cultural Centre-ah Vaivakawn Traffic tawt tihziaawm nana PWD ruahmanna sawi hona hun chu Pu Vanlalhlana, Minister, PWD hovin neih a ni a. Pu Rualhlupuia, President, Jt. YMA, Aizawl West chuan hun kaihruaiin Er. Robin Lalrinawma, CE leh Er. Lalengzuali, Superintending Architect-te chuan ruahmanna kalpui dan tur sawi zauna an nei a ni.

PWD Minister Pu Vanlalhlana chuan lirthei pung zel avangin Vaivakawn Traffic junction-ah pawh Traffic jam avangin lirthei khalhtuten hun tam tak an khawhral phah thin thu a sawi a. Traffic jam avanga he kawng pawimawh tak zawhtute harsatna sutkian a nih theih nan khawtlang hruaitute rawn chunga ruahmanna siam thuai a tul thu sawiin khawtlang leh ram tih hmasawnna tura Aizawl West Joint YMA hruaitute inhawnna chu lawmawm a tih thu a sawi.

He huna tarlan danin, Vaivakawn Traffic Junction helna tur ruahmanna kalpui theih a nih chuan, Vaivakawn Field sir zawhin, Vaivakawn Bazar Building leh Vaivakawn Bus Stand chhak, Dawrpui Vengthar panna kawng inkarah lei metre 75-a thui dawh kai tur a ni a. Lei zau lai ber hi metre 15.5 niin a zim lai ber hi metre 7.5 a ni a, ban 14 a awm dawn a ni. Thutkhawmah hian lei dawh tur hian Vaivakawn Field huam chhungah ban (pillar) awm lo tur leh lei chu Field hmangtute tan hnawk pha lo tura siam a tul thu tarlan a ni a. Lei dawh kaina hian traffic jam nasa avanga mipui harsatna sutkian a nih dawn bakah khawtlang tan hmasawnna hrang hrang a ken tel dawn avangin Aizawl West Joint YMA hruaitute chuan a thuphungin PWD Minister ruahmanna chu an thlawp thu an sawi.

Attachment

VAIVAKAWN TRAFFIC TAWT TIHZIAAWM NAN PWD MINISTER LEH AIZAWL WEST JOINT YMA HRUAITUTE AN THUKHAWM

2013/2025-2026

Aizawl dated 6th September 2025: Tukin khan Conference Hall, Vaivakawn Cultural Centre-ah Vaivakawn Traffic tawt tihziaawm nana PWD ruahmanna sawi hona hun chu Pu Vanlalhlana, Minister, PWD hovin neih a ni a. Pu Rualhlupuia, President, Jt. YMA, Aizawl West chuan hun kaihruaiin Er. Robin Lalrinawma, CE leh Er. Lalengzuali, Superintending Architect-te chuan ruahmanna kalpui dan tur sawi zauna an nei a ni.

PWD Minister Pu Vanlalhlana chuan lirthei pung zel avangin Vaivakawn Traffic junction-ah pawh Traffic jam avangin lirthei khalhtuten hun tam tak an khawhral phah thin thu a sawi a. Traffic jam avanga he kawng pawimawh tak zawhtute harsatna sutkian a nih theih nan khawtlang hruaitute rawn chunga ruahmanna siam thuai a tul thu sawiin khawtlang leh ram tih hmasawnna tura Aizawl West Joint YMA hruaitute inhawnna chu lawmawm a tih thu a sawi.

He huna tarlan danin, Vaivakawn Traffic Junction helna tur ruahmanna kalpui theih a nih chuan, Vaivakawn Field sir zawhin, Vaivakawn Bazar Building leh Vaivakawn Bus Stand chhak, Dawrpui Vengthar panna kawng inkarah lei metre 75-a thui dawh kai tur a ni a. Lei zau lai ber hi metre 15.5 niin a zim lai ber hi metre 7.5 a ni a, ban 14 a awm dawn a ni. Thutkhawmah hian lei dawh tur hian Vaivakawn Field huam chhungah ban (pillar) awm lo tur leh lei chu Field hmangtute tan hnawk pha lo tura siam a tul thu tarlan a ni a. Lei dawh kaina hian traffic jam nasa avanga mipui harsatna sutkian a nih dawn bakah khawtlang tan hmasawnna hrang hrang a ken tel dawn avangin Aizawl West Joint YMA hruaitute chuan a thuphungin PWD Minister ruahmanna chu an thlawp thu an sawi.

Attachment