CHIEF MINISTER-IN SERCHHIPAH MLA TROPHY INTER SCHOOL CHALLENGE LAWMMAN SEMNA HMANPUI

#ZONEWS Serchhip September 19, 2025: Vawiin khan Serchhip Sub- Headquarters YMA Hall-ah MLA Trophy Inter School Challenge 2025 lawmman semna inkhawm buatsaih a ni a. Bialtu MLA Pu Lalduhoma, Chief Minister, he challenge buatsaihna bultumtu chuan a hmanpui.

Thusawiin Chief Minister chuan, Inter School Challenge chu hmathlir thui tak nei chunga zirlai naupangte kaihhruaina, nakina national level exam leh an kal zelna tur atana lo buatsaih lawkna a ni, a ti.

Mi tam tak ngaihdanah chuan sorkar hna hi a váng a, a tak takah chuan, a thiam tan chuan a vang lutuk lo. State sorkar hi chuan hna lak tur a ngah lo naa central sorkar erawh chuan a ngah hle. Tribal qouta pawh hi kan hnawhkhat zo thei lo zawk a, lehkhathiam hna nei lo kan tam phah ta a ni. Kan naupangte hi India rama kan tribal-pui hnam dangte aia lehkhathiam leh hriam zawk an nih phawt chuan hna hi vang an ti dawn lo. Chutiang mi an nih theih nan chuan an zirlai theuh an hriatchian a ngai a. Vawiina an zirlai hi competitive exam an hmachhawn hunah a la pawimawh vek dawn avangin he inelna hian kawngro a su hle turah kan ngai. Zawhna kalphung pawh a tunlai ber ber ni zel se a tha hle, a ti.

Serchhip bial chhunga mahni zirlai hre ber naupangte hi chawimawi an phuin ka hria a, an kalna school leh nu leh pate pawhin lo ngaihlu se, he challenge hrim hrim pawh hi i ngaihlu deuh deuh ang u. Serchhip bial huapa a thiam ber nihah duh tawk lo ila, Mizoram huap leh India ram huap thlenga kan san chuan kan hmakhua a eng a ni, a ti bawk.

Kum 2023 atanga he challenge tha taka buatsaih thintu Serchhip Teachers’ Association te chungah lawmthu a sawi a.

Lawmman semna inkhawm hi Pu Vanlalvuana, President, Serchhip Teachers Association chuan a kaihruai a, Pi R. Lalawmpuii chuan hunserh hmangin Pu John Lalvenzela, Secretary, STA chuan report a pe.

Primary School atanga College / DIET thlenga inelna niin, huang (category) pasarihah then an ni. School 21 atangin aupang 172 an tel a. Kuminah hian top ten chinte hnenah lawmman pek an ni.

Serchhip MLA Trophy hi Serchhip Teachers Association ten an kalpui a, STA ah hian bial chhunga zirna in hrang hrang 28-a zirtirtu 190 vel te an intelkhawm a ni. MLA Trophy Senso zawng zawng hi bialtu MLA Pu Lalduhoma hian a tumsak thin a ni.

CHIEF MINISTER-IN SERCHHIPAH MLA TROPHY INTER SCHOOL CHALLENGE LAWMMAN SEMNA HMANPUI

1508/2025-2026

Serchhip the 19th September 2025: Vawiin khan Serchhip Sub- Headquarters YMA Hall-ah MLA Trophy Inter School Challenge 2025 lawmman semna inkhawm buatsaih a ni a. Bialtu MLA Pu Lalduhoma, Chief Minister, he challenge buatsaihna bultumtu chuan a hmanpui.

Thusawiin Chief Minister chuan, Inter School Challenge chu hmathlir thui tak nei chunga zirlai naupangte kaihhruaina, nakina national level exam leh an kal zelna tur atana lo buatsaih lawkna a ni, a ti.

Mi tam tak ngaihdanah chuan sorkar hna hi a váng a, a tak takah chuan, a thiam tan chuan a vang lutuk lo. State sorkar hi chuan hna lak tur a ngah lo naa central sorkar erawh chuan a ngah hle. Tribal qouta pawh hi kan hnawhkhat zo thei lo zawk a, lehkhathiam hna nei lo kan tam phah ta a ni. Kan naupangte hi India rama kan tribal-pui hnam dangte aia lehkhathiam leh hriam zawk an nih phawt chuan hna hi vang an ti dawn lo. Chutiang mi an nih theih nan chuan an zirlai theuh an hriatchian a ngai a. Vawiina an zirlai hi competitive exam an hmachhawn hunah a la pawimawh vek dawn avangin he inelna hian kawngro a su hle turah kan ngai. Zawhna kalphung pawh a tunlai ber ber ni zel se a tha hle, a ti.

Serchhip bial chhunga mahni zirlai hre ber naupangte hi chawimawi an phuin ka hria a, an kalna school leh nu leh pate pawhin lo ngaihlu se, he challenge hrim hrim pawh hi i ngaihlu deuh deuh ang u. Serchhip bial huapa a thiam ber nihah duh tawk lo ila, Mizoram huap leh India ram huap thlenga kan san chuan kan hmakhua a eng a ni, a ti bawk.

Kum 2023 atanga he challenge tha taka buatsaih thintu Serchhip Teachers’ Association te chungah lawmthu a sawi a.

Lawmman semna inkhawm hi Pu Vanlalvuana, President, Serchhip Teachers Association chuan a kaihruai a, Pi R. Lalawmpuii chuan hunserh hmangin Pu John Lalvenzela, Secretary, STA chuan report a pe.

Primary School atanga College / DIET thlenga inelna niin, huang (category) pasarihah then an ni. School 21 atangin aupang 172 an tel a. Kuminah hian top ten chinte hnenah lawmman pek an ni.

Serchhip MLA Trophy hi Serchhip Teachers Association ten an kalpui a, STA ah hian bial chhunga zirna in hrang hrang 28-a zirtirtu 190 vel te an intelkhawm a ni. MLA Trophy Senso zawng zawng hi bialtu MLA Pu Lalduhoma hian a tumsak thin a ni.