I&PR Director Pu C. Lalnunkima’n Lunglei tlawhin, I&PR-a thawktute leh District MJA member-te nen an inkawm ho

#ZONEWS Lunglei September 23, 2025: Mizoram sawrkara Information & Public Relations (I&PR) Director Pu C. Lalnunkima chuan vawiin khan Lunglei District Information & Public Relations Office a tlawh a. Thawktute leh Mizoram Journalists’ Association (MJA) Lunglei District member-te nen an inkawm ho.

I&PR Director Pu C. Lalnunkima chuan sawrkar hna a thawh tirh aṭangin hmun danga peng miah lovin, I&PR Department-ah a thawk char char tih sawiin, tluang taka thawk thei leh  kum thum leh a chanve chhung I&PR Director hna chelh theia Pathian hruaina a chang chu lawmawm a tih thu a sawi a. Director a nih chhunga Department hmasawnna tam tak awm chu a thawhpuite ṭawiawmna ṭha tak vang a ni tiin, an chungah lawm thu a sawi a. Department-a thawktute indaih loh karah an mamawhna zawna MJA te’n an tuamhlawm ṭhinna leh thawhpuinaah lawm thu sawiin, ram leh hnam tan ṭhahnem ngai taka thawh hopui zel turin a sawm bawk.

Lunglei DIPRO Pu C. Lalhruaitluanga’n inkawm hona hun kaihruaiin, Director lawmna thu a sawi a. Director Pu C. Lalnunkima kaihhruaina hnuaia Department-in hma a sawn dan leh Lunglei District Office mamawh hrang hrang an thlente a ngaih pawimawhsak a, a tihhlawhtlinsak ṭhin dan te tar langin, District Office hmingin lawm thu a sawi a. Pathian hruainaa tluang taka a thawk thei leh a pension thla dam taka a thleng chu a lawmpui thu sawiin, Office hmingin amah lawmpuina thilpek a hlan bawk.

District MJA President Pu H. Lalthansanga pawhin thu sawiin, MJA Lunglei member-te chuan Lunglei DIPRO Office-a thawktute nen thawh hona ṭha tak an neih thu a tar lang a. I&PR Director Pu C. Lalnunkima’n MJA Lunglei member-te kawng hrang hranga a duhsak ṭhin avanga lawm thu sawiin, tluang taka a service hun tawp a thleng tur chu an lawmpui thu a sawi.

I&PR Director Pu C. Lalnunkima hian office pindan hrang hrang fang kualin, thawktute nen office tihchangtlunna tur mamawh hrang hrang an sawi ho va. Thawktute leh MJA member-te nen thingpui an in ho bawk.

Pu C. Lalnunkima hian kum 1986 December ni 1-ah I&PR Department hnuaiah sawrkar hna thawk ṭanin, mawhphurhna hrang hrang a chelh hnuah, kum 2022 April ni 1 aṭang khan I&PR Director hna a chelh a. Kumin September thla tawp hian superannuation pension-in a chhuak dawn a ni.

I&PR Director Pu C. Lalnunkima’n Lunglei tlawhin, I&PR-a thawktute leh District MJA member-te nen an inkawm ho

1558/2025-2026
Lunglei, 2025 Mimkut thla ni 23: Mizoram sawrkara Information & Public Relations (I&PR) Director Pu C. Lalnunkima chuan vawiin khan Lunglei District Information & Public Relations Office a tlawh a. Thawktute leh Mizoram Journalists’ Association (MJA) Lunglei District member-te nen an inkawm ho.

I&PR Director Pu C. Lalnunkima chuan sawrkar hna a thawh tirh aṭangin hmun danga peng miah lovin, I&PR Department-ah a thawk char char tih sawiin, tluang taka thawk thei leh  kum thum leh a chanve chhung I&PR Director hna chelh theia Pathian hruaina a chang chu lawmawm a tih thu a sawi a. Director a nih chhunga Department hmasawnna tam tak awm chu a thawhpuite ṭawiawmna ṭha tak vang a ni tiin, an chungah lawm thu a sawi a. Department-a thawktute indaih loh karah an mamawhna zawna MJA te’n an tuamhlawm ṭhinna leh thawhpuinaah lawm thu sawiin, ram leh hnam tan ṭhahnem ngai taka thawh hopui zel turin a sawm bawk.

Lunglei DIPRO Pu C. Lalhruaitluanga’n inkawm hona hun kaihruaiin, Director lawmna thu a sawi a. Director Pu C. Lalnunkima kaihhruaina hnuaia Department-in hma a sawn dan leh Lunglei District Office mamawh hrang hrang an thlente a ngaih pawimawhsak a, a tihhlawhtlinsak ṭhin dan te tar langin, District Office hmingin lawm thu a sawi a. Pathian hruainaa tluang taka a thawk thei leh a pension thla dam taka a thleng chu a lawmpui thu sawiin, Office hmingin amah lawmpuina thilpek a hlan bawk.

District MJA President Pu H. Lalthansanga pawhin thu sawiin, MJA Lunglei member-te chuan Lunglei DIPRO Office-a thawktute nen thawh hona ṭha tak an neih thu a tar lang a. I&PR Director Pu C. Lalnunkima’n MJA Lunglei member-te kawng hrang hranga a duhsak ṭhin avanga lawm thu sawiin, tluang taka a service hun tawp a thleng tur chu an lawmpui thu a sawi.

I&PR Director Pu C. Lalnunkima hian office pindan hrang hrang fang kualin, thawktute nen office tihchangtlunna tur mamawh hrang hrang an sawi ho va. Thawktute leh MJA member-te nen thingpui an in ho bawk.

Pu C. Lalnunkima hian kum 1986 December ni 1-ah I&PR Department hnuaiah sawrkar hna thawk ṭanin, mawhphurhna hrang hrang a chelh hnuah, kum 2022 April ni 1 aṭang khan I&PR Director hna a chelh a. Kumin September thla tawp hian superannuation pension-in a chhuak dawn a ni.