Home Minister leh Excise Minister te’n Vaivakawn Police Station tlawh

#ZONEWS Aizawl September 24, 2025: Tukin khan Pu K. Sapdanga, Minister, Home Department leh Pu Lalnghinglova Hmar, Minister of State, Excise & Narcotics Department te chuan Vaivakawn Police Station an tlawh a, police te fuihtharna leh hmasawnna tura hmachhawp thenkhatte an sawi.

Home Minister Pu K. Sapdanga chuan police station-a tlu lut tawh chin chu tanpui ngai tak tak an ni thin tih sawiin, an mamawhna zawna theihtawp chhuahpui thin turin a chah a. “Rangvamual leh Phunchawng te in bial tel a, Vaivakawn Police Station-a thawkte in hah zia hi kan hriatpui che u” a ti a, an bial chhunga khawtlang hruaitute leh mipuite thawhpui thiam turin a chah a ni.

UD&PA Minister ni bawk Pu K. Sapdanga chuan sawi chhunzawmin, “Police uniform hian zahawmna a kengtel a. Kan hnathawhnaah he zahawmna hi vawng a, phochhuak thei turin mimal tinin mawh kan phur a ni.” a ti. Mizoram hmun hrang hranga police infrastructure tlabal chu UD&PA Department atangin thawmtha tura hma lak mek a nih thu a sawi bawk.

He hunah hian Excise Minister, Aizawl West-II bialtu MLA ni bawk Pu Lalnghinglova Hmar pawhin thu sawiin, Excise department, Vaivakawn Siamtha Pawl (VSP) leh police tangkawpin Vaivakawn-ah zu leh ruihhlo umbo beihpui thlak a ni a, veng chhunga ngawlvei riakkhawm thinte pawh hnawhdarh thin an nih thu a sawi a. Vaivakawn khawtlang thenfai kawnga hmalaknaah police in theihtawp an chhuahpui thin chu lawmawm a tih thu a sawi.

He hunah hian Minister pahnihte hi Vaivakawn khawtlang hruaitute’n an tawiawm a. Pu Lalmalsawma Pachuau IRS, Secretary, UD&PA Department leh Pu Jacob Lalawmpuia, Director, UD&PA Department te pawhin UD&PA Minister hi an tawiawm bawk a ni.

Attachment

Home Minister leh Excise Minister te’n Vaivakawn Police Station tlawh

1575/2025-2026

Aizawl, the 24th of September, 2025: Tukin khan Pu K. Sapdanga, Minister, Home Department leh Pu Lalnghinglova Hmar, Minister of State, Excise & Narcotics Department te chuan Vaivakawn Police Station an tlawh a, police te fuihtharna leh hmasawnna tura hmachhawp thenkhatte an sawi.

Home Minister Pu K. Sapdanga chuan police station-a tlu lut tawh chin chu tanpui ngai tak tak an ni thin tih sawiin, an mamawhna zawna theihtawp chhuahpui thin turin a chah a. “Rangvamual leh Phunchawng te in bial tel a, Vaivakawn Police Station-a thawkte in hah zia hi kan hriatpui che u” a ti a, an bial chhunga khawtlang hruaitute leh mipuite thawhpui thiam turin a chah a ni.

UD&PA Minister ni bawk Pu K. Sapdanga chuan sawi chhunzawmin, “Police uniform hian zahawmna a kengtel a. Kan hnathawhnaah he zahawmna hi vawng a, phochhuak thei turin mimal tinin mawh kan phur a ni.” a ti. Mizoram hmun hrang hranga police infrastructure tlabal chu UD&PA Department atangin thawmtha tura hma lak mek a nih thu a sawi bawk.

He hunah hian Excise Minister, Aizawl West-II bialtu MLA ni bawk Pu Lalnghinglova Hmar pawhin thu sawiin, Excise department, Vaivakawn Siamtha Pawl (VSP) leh police tangkawpin Vaivakawn-ah zu leh ruihhlo umbo beihpui thlak a ni a, veng chhunga ngawlvei riakkhawm thinte pawh hnawhdarh thin an nih thu a sawi a. Vaivakawn khawtlang thenfai kawnga hmalaknaah police in theihtawp an chhuahpui thin chu lawmawm a tih thu a sawi.

He hunah hian Minister pahnihte hi Vaivakawn khawtlang hruaitute’n an tawiawm a. Pu Lalmalsawma Pachuau IRS, Secretary, UD&PA Department leh Pu Jacob Lalawmpuia, Director, UD&PA Department te pawhin UD&PA Minister hi an tawiawm bawk a ni.

Attachment