UD&PA Minister K.Sapdanga’n Faina Hapta leh Faina Hnatlang runpui hawng

#ZONEWS Aizawl September 25, 2025: Tukin zingkar khan Pu K.Sapdanga, UD&PA Minister chuan MINECO Open Gym kawttualah Swachhata Hi Seva hmalakna kal mek hnuaia Faina Hapta khuh hawnna a nei a. Kumina Faina Hnatlang runpui hi Pu Mahatma Gandhi piancham phaphak thlenga neih tur niin “Ek Din, Ek Ghanta, Ek Saath”  tia hming phuah a ni.

He programme denchhen hian UD&PA Minister chuan  mimal, veng, khawtlang, pawl, Zirna in te, kohhran leh sawrkar department anga Faina Hapta chhungin  hma laho turin ngena a siam a.Faina Hapta khuh hawnnaah hian HDFC Bank chuan CSR Fund kaltlangin khawlaia bawlhlawh hip khawmna lirthei – Garbage Vacuum Truck chu UD&PA Minister hnenah an hlan nghal bawk a ni.

UD&PA Minister Pu K.Sapdanga chuan Faina chungchang hi inzirna ang zawng chuan hmalakna duhthusama tam awm tawh a. Tuna kan tihtur ni ta chu Faina hi mitinin kan nunpui theuh a, Faina in min chenchilh a ngai tawh a ni a ti. Faina Hapta kan hman chhungin khua leh tui te chuan kan awmna hmun theuhah phur takin faina kawngah hma la theuh ila, Faina Hapta a liam hnu pawhin faina kan ngaih pawimawh chhunzawm zela, kan nitin khawsaknaah te faina kan nunpui chhunzawm zel pawh  a pawimawh  a ti.

Faina Hapta pual hian MLA leh Corporator te pawhin an bial chhungah hmalak an tum a. Hmalakna langsar zingah Aizawl West I bialtu MLA Pu TBC Lalvenchhunga  chuan a bial chhungah Local leh Village Council te Faina Intihsiak a puang a. He intihsiaka titha te hnenah Swacch Bharat Diwas kharna October 2 a neih hunah Lawmman pek a tum a ni.

Tukina Faina Hnatlang khuhhawnna programme hi Pu Lalmalsawma Pachuau, Secretary, UD&PA in a kaihruai a. He hunah hian  Pi Teresy Vanlalhruaii, Secretary, PHE chuan Sanitation & Cleanliness kaihhnawih Allied Department te fuihna thu a sawi a. Department dang zawng zawng te pawh he hmalaknaah rawn tel vek tur leh  tha thawh turin ngenna a siam bawk.

Hawnna Programme  neih zawhah Hnatlang runpui hawnna atan MINECO huam chhungah hmun 4-ah hnatlang neih nghal a ni.

Tukina Faina Hnatlang runpui hawnna program-ah hian CSR kaltlanga Garbage Vacuum Truck rawn thawh tu HDFC Bank aiawhin Pu Kaushik Sharma, Zonal Head, Pu John Varte, Zonal Head leh hotu dang te an rawn tel a. Sawrkar lam atangin AMC, UD&PA, PHE, Smart City Project Ltd leh DIPR atangin Senior Official leh thawktute bakah MINECO Welfare hruaitute an tel a ni.

UD&PA Minister K.Sapdanga’n Faina Hapta leh Faina Hnatlang runpui hawng

1588/2025-2026

Aizawl, the 25th September 2025: Tukin zingkar khan Pu K.Sapdanga, UD&PA Minister chuan MINECO Open Gym kawttualah Swachhata Hi Seva hmalakna kal mek hnuaia Faina Hapta khuh hawnna a nei a. Kumina Faina Hnatlang runpui hi Pu Mahatma Gandhi piancham phaphak thlenga neih tur niin “Ek Din, Ek Ghanta, Ek Saath”  tia hming phuah a ni.

He programme denchhen hian UD&PA Minister chuan  mimal, veng, khawtlang, pawl, Zirna in te, kohhran leh sawrkar department anga Faina Hapta chhungin  hma laho turin ngena a siam a.Faina Hapta khuh hawnnaah hian HDFC Bank chuan CSR Fund kaltlangin khawlaia bawlhlawh hip khawmna lirthei – Garbage Vacuum Truck chu UD&PA Minister hnenah an hlan nghal bawk a ni.

UD&PA Minister Pu K.Sapdanga chuan Faina chungchang hi inzirna ang zawng chuan hmalakna duhthusama tam awm tawh a. Tuna kan tihtur ni ta chu Faina hi mitinin kan nunpui theuh a, Faina in min chenchilh a ngai tawh a ni a ti. Faina Hapta kan hman chhungin khua leh tui te chuan kan awmna hmun theuhah phur takin faina kawngah hma la theuh ila, Faina Hapta a liam hnu pawhin faina kan ngaih pawimawh chhunzawm zela, kan nitin khawsaknaah te faina kan nunpui chhunzawm zel pawh  a pawimawh  a ti.

Faina Hapta pual hian MLA leh Corporator te pawhin an bial chhungah hmalak an tum a. Hmalakna langsar zingah Aizawl West I bialtu MLA Pu TBC Lalvenchhunga  chuan a bial chhungah Local leh Village Council te Faina Intihsiak a puang a. He intihsiaka titha te hnenah Swacch Bharat Diwas kharna October 2 a neih hunah Lawmman pek a tum a ni.

Tukina Faina Hnatlang khuhhawnna programme hi Pu Lalmalsawma Pachuau, Secretary, UD&PA in a kaihruai a. He hunah hian  Pi Teresy Vanlalhruaii, Secretary, PHE chuan Sanitation & Cleanliness kaihhnawih Allied Department te fuihna thu a sawi a. Department dang zawng zawng te pawh he hmalaknaah rawn tel vek tur leh  tha thawh turin ngenna a siam bawk.

Hawnna Programme  neih zawhah Hnatlang runpui hawnna atan MINECO huam chhungah hmun 4-ah hnatlang neih nghal a ni.

Tukina Faina Hnatlang runpui hawnna program-ah hian CSR kaltlanga Garbage Vacuum Truck rawn thawh tu HDFC Bank aiawhin Pu Kaushik Sharma, Zonal Head, Pu John Varte, Zonal Head leh hotu dang te an rawn tel a. Sawrkar lam atangin AMC, UD&PA, PHE, Smart City Project Ltd leh DIPR atangin Senior Official leh thawktute bakah MINECO Welfare hruaitute an tel a ni.