MEN STREAMING: MOTOR CYCLE RALLY – NU NAU ENKAWL KAWNGA MIPATE MAWHPHURHNA

#ZONEWS Aizawl October 4, 2025: Rashtriya Poshan Maah 2025 kal zelah vawiin chawhma khan Hriselna, Nu leh Nau enkawl kawnga Mipate mawhphurhna pawimawh zia tlangaupuiin Directorate of Women & Child Development, Aizawl Urban ICDS Project leh Tlangnuam ICDS Project-te chuan Aizawl Thunders Motorcycle Club-te thawhpuiin Motorcycle Rally an nei. 

Motorcycle Rally hi New Capital Complex Anganwadi Centre-ah țanin Pi Zonunthari, Joint Secretary Social Welfare, Women & Child Development chuan a vai liam a, Hlimen Anganwadi Centre V-ah hun tawp hman a ni.

He Programme-ah hian New Capital Complex Kohhran Pavalai Pawl, Hlimen Kohhran Pavalai Pawl leh Anganwadi Centre Beneficiaries te tel hoin, Nu, Naupai, Naupang, chhungkaw hriselna, ei leh in țha ei khawngah leh inchhunga mawhphurhna hrang hranga Mipate pawimawhna chungchang inhrilhriatna neih a ni a, Aizawl Thunders hotute kaihhruainain Mipate mawhphurhna leh hemi hlen kawnga hma la tura intiamna hun neih a ni.