BANA KAIH SCHEME PARTNER BANK TE NEN QUARTERLY REVIEW MEETING NEIH A NI

#ZONEWS Aizawl October 16, 2025: Vawiin khan Mizoram Flagship Programme Bana Kaih (Handholding) Scheme hnuaia Loan component chungchanga hmalakna thlirhona Quarterly Meeting chu Mizoram State Policy Coordination Committee (MSPCC) Vice Chairman Dr. KC Lalmalsawmzauva hovin Planning & Programme Implementation Department Conference Room-ah neih a ni. Partner Bank pathum aiawhte leh Implementing Department Nodal Officer-te an tel a ni.

Vawiin meeting-ah hian Phase–I hnuaia loan pek tura committee in a thlan, bank in a lo hnawl takte chungchang sawiho a ni a.  Bank te’n an hnawl chhan hrang hrang zingah loan diltu in loan dang rulh mek lai a lo neih avang te, loan chhia an lo neih tawh avang te, hmalakna behchhanna tur in hmun/lo/ram chungchangah thil fello awm avang leh chhan dang hrang hrang avang te niin, diltu in anmahni thutlukna ngeia inhnuklet leh pawh an awm a. Bank in a hnawl zat hi a vaiin 128 a ni.

Heng bakah hian vawiin commiitee ah chuan loan la tawh ten hma an lak dan te thlithlai a, Banakaih Scheme inkaihhruaina in a phut anga Department in Monitoring lama an hmalakna te sawiho a ni a. Loan Interest Subvention, loan pung sorkarin a rulh let chungchang te, EDP training pek chungchangte, food processing loan scheme PMFME chungchang te sawiho a ni bawk.