ZIRLAI NAUPANGTE TAN STATE LEVEL CHILDREN’S CONCLAVE MIZORAM STATE COMMISSION FOR PROTECTION OF CHILD RIGHTS (MSCPCR) IN HUAIHAWT

#ZONEWS Aizawl October 23, 2025: Vawiin khan ni-2 awh tur State Level Children’s Conclave, Ramhlun Sports Complex-a huaihawt chu khuallian, Pi Lalzarmawii, IAS, Commissioner & Secretary, Social Welfare & Women and Child Development Department chuan Wrestling Hall, Ramhlun Sports Complex-ah khuhhawnna a nei. He Children’s Conclave hi Mizoram State Commission for Protection of Child Rights (MSCPCR) ina a huaihawt a ni a, a vawi 1-na a ni.

He Children’s Conclave khuhhawnna inkhawm hi MSCPCR Secretary, Pi Lalengvari’n a kaihruai a. Zirlai naupang leh Zirtirtute, Children’s Conclave chhim tura kalkhawm lawmna thuchah a sawi rualin MSCPCR hnathawh leh mawhphurhna tlangpui te a sawi fiah a ni. Kum 2018 khan MSCPCR hi Parliament Act hmanga din a ni a. Commission-ah hian Chairperson leh Member pathum (3) an awm a, Commission Office-a thawktu dang mi sawm leh pariat (18) an awm bawk. Commission chu naupang kum 18 hnuailam tana din a ni a, naupangte dikna leh chanvo humhalhna Dân hrang hrang hrang – JJ Act te, POCSO Act te, RTE Act te leh naupang kaihhnawih Act dangte pawh kenkawh leh viltu a ni tih a sawi. Children’s Conclave chhim tura naupang leh zirtirtu rawn kal zawng zawng te’n he hun chhung hian thil \angkai tak tak zirchhuak a, hun hlimawm leh nuam tak an hman theih nan duhsakna Commission Secretary chuan a hlan.

Pu Jimmy Laltlanmawia, MSCPCR Chairperson chuan Commission chu naupangte dikna leh chanvo humhalhtu a ni a ti a. Naupangte hi Dân in a humhalh êm êm a, mi zawng zawng hian dikna chanvo (Rights) kan nei \heuh a, he chanvo hi Pathian thil pek a nih angin kan dikna leh chanvo te hi kan humhalh in kan in humhalh sak tawn a ngai a ni a ti a. Pathian thu pawhin – mi in i chunga an tiha i duh tur ang bawkin mi chungah pawh ti ve rawh a ti a ni. Naupangte dikna leh chanvo humhalh kan tlângau rual hian mawhphurhna (Duties & Responsibilities) kan nei tih kan hriat tel a pawimawh a ni a ti. MSCPCR Chairperson chuan Children’s Conclave huaihawt a nih chhan te, Conclave thupui – “Voices of Tomorrow” ina zirlaite tana kawhhmuh a tum te a sawi fiah a, tunlaiah naupang, aia upa zahna châng hre lo, a hun leh a hmun thliar nachâng hre lo, Internet Social Media-ah te duh duh post ringawt, changpat chehchhum ang maia tal satliah mai mai an tam tawh êm êm a, chuvang chuan, he Children’s Conclave chhûng hian naupangte chuan mithiamte zirtirna an ngaihthlak atangte leh an zirlai pui te atanga thil tha an zir chhuah te atangin ram leh hnam leh chhungkaw tana chhawr nahawm, khua leh tui tha, ram leh hnam tana pen chhuaka ding ngam, mi dang tana nunna hlan ngam, thudik tan ngam an nih theuh theihna turin zirlai naupangte a fuih a. Naupangte chuan an zirna an ngaipawimawh tur a ni a, an zirtirtute’n zirlai bakah thu \ha tam tak an hrilh thin te bengkhawn a, nakin hun atan leh eng eizawnna kawng atân pawh a la tangkai dawn a ni tih an hriat a tul a ni a ti.

Khuallian Pi Lalzarmawii chuan kum tam tak Sawrkar hna a lo thawh tawhna leh chuta tanga a tawnhriat te a sawi a, Education Department-a Director a nih lai atang tawha naupangte chungchang ngaihtuah leh naupangte bula awm leh ngaihsak chu nuam a tih thin thu a sawi a. Naupang tê a nih laia a sikul kai \hinna Govt. Model School zirtirtute kaihruaina leh an zirtirna avanga lehkhabu chhiar leh lehkhabu ngainatna a chhar azâra zirna kawnga hlawhtlinna a chan chhoh dan te, lehkha zir taimak a pawimawh zia te, lehkhabu chhiar tam a pawimawh zia thu te a sawi a. Tin, zirna piah lamah infiamna (sports) lam te pawh a tui mi tan chuan hlawhtlinna chang thei ngei turin tumruhna neia taima taka inzir zel turin zirlaite fuihna thu a chah bawk a ni. Khuallian chuan Pathianin a thlawnin tumah hi min siam lo va, chhan neiin min siam vek a, taimakna leh tumruhna nen hlawhtling turin kan bei tur a ni a ti a. Naupangte chuan an zirtirtute leh nu leh pate hmangin an talent neih te hai chhuah an tum tur a ni a ti bawk.

He ni hnih awh tur Children’s Conclave thupui – “Voices of Tomorrow” tih zulzui leh he thupui ina a kawhhmuh te zirlai naupang kalkhawmte rilru leh thinlunga tuh a nih theihna turin programme leh activity hrang hrang he Conclave-ah hian huaihawt leh buatsaih a ni dawn a. Zilai naupangte tana pawimawh leh an hriat ngei ngei tur Dân hrang hrang inzirtirna hun Pu Laldinpuia Tlau, CJM, Aizawl Judicial District hnen a\ang te; ram leh hnam ti hming\ha tu, khawtlang tana mi chhuanawm Major Baby Lalduhsangi hnen a\anga zirtirna leh fuihna thu leh hla ngaihthlakna hun te; thiam thil (talent) pholanna hun te; Creative Art & Craft leh Music inzirtirna hun te leh intihhlimna chi hrang hrang nen hun hman a ni ang.

He Children’s Conclave-ah hian District hrang hrang – Aizawl, Champhai, Serchhip, Mamit, Saitual leh Khawzawl District Middle School 34 a\angin zirlai 153 leh Zirtirtu 34-te an tel a ni.