AIZAWL BYPASS ROAD HNA THAWH MEK CHUNGCHANGAH MSPMC THUKHAWM

#ZONEWS Aizawl October 23, 2025 : Vawiin khan Planning&Programme Implementation Department Committee Room-ah Mizoram State Project Monitoring Committee chuan Aizawl Bypass Kawng(Western Side) hnathawh kal mek chungchangah meeting an nei a. Pu R. Lal Rinawma, Vice Chairman, MSPMC chuan meeting hi a kaihruai a ni.

Meeting-ah hian Aizawl Bypass Kawng(Western Side) hnathawh chungchang thlirhona neih niin, Hna thawktu (Contractor) RG Buildwell Engineer Ltd. leh Project Implementing Unit,PWD ten an hmalakna dan report an pek te thlirho ani a.Kawng laih hnathawh a vanga leivungin lui leh nungchate tana pawi a khawih danna tur ruahmanna kawng hrang hrangte uluk taka sawiho niin, Leivung chhek khawlna, Gabion Wall siam fel a nih hma chuan leivung chhuah zawnga hma la rih lo turin contractor hi hriattir nghal a ni.

Tin, Contractor hi Danin a phut anga phalna tul zawng zawng te pawh November,2025 thla chhung ngei a la fel vek tura tih nghal niin, target/milestone fel tak siam a, chumi anga kal turin Resource Based Worl Programme siam nghal tur leh chu chu zawm ngei turin hrilh nghal a ni bawk.

Meeting-ah hian MSPMC member bakah Mizoram Polution Control Board, Aizawl Municipal Corporation, Project Inplementin Unit, PWD hotute leh Contractor- RG  Buildwel Engineers Ltd. Engineer-te an tel a ni.

Attachment