Saitual District Sports Committee thu khawm

#ZONEWS Saitual October 27, 2025: Vawiin khan DC Conference Room, Saitualah Pu Lallawmawma, Addl DC kaihhruainain Saitual District Sports Committee an thu khawm.

He hunah hian Pu Lallawmawma, Addl. DC chuan sports association hruaitute chu an mamawh leh vei zawng te inhawng taka sawi turin a sawm a, Saitual District-a infiammiten hma an sawn zel theih nan theih tawp chhuah zel an tum thu a sawi.

Vawiin thutkhawmah hian Saitual District Boxing Association chuan ni 22-26 September, 2025 chhunga Lungleia Mizoram State Boxing Championship kalna senso dilna te, Saitual District Wrestling Association ni 8-10 October, 2025 chhunga Open State Wrestling Championship cum Title Challenger, Sihphir-a neih taka kal man senso dilna te leh Saitual District Football Association in Kolasib-a Inter District Sr. Women’s Tournament ni 28.10.2025 (Tuesday) atanga neih tur dilna te sawiho niin, District Sports Committee chuan dilna lutte chu a pawm a ni.

Vawiin thutkhawm hi Pu Lallawmawma, Addl. DC chuan a kai hruai a, Saitual District Sport Committee member leh ex-officio member te an tel a ni.