Champhaiah Sardar@150 pualin kawngzawh huaihawt dawn

#ZONEWS Champhai November 6, 2025: Vawiin khan Champhai DC Conference Hall-ah Champhai Bawrhsap Pu Mohammad Aaquib hovin Sardar@150 puala kawngzawh huaihawt tur chungchang sawiho a ni.

Sardar@150 hi Sardar Vallabhbhai Patel hriatrengna a ni a, tum kum hi a pian atanga kum 150-na a ni. He kawngzawh hi November ni 18 a neih tum a ni a, District Hospital atanga tanin Circuit House-ah tawp tur a ni a, a kar lakah CHANEM Building-ah hun hman a ni bawk ang. He hunah hian sikul naupang Champhai sikul hrang hrang atangin an tel ang a, a tel duh apiang tan tel theih a ni dawn a ni. He kawngzawhah hian Sardar Vallabhbhai Patel-a India ramin zalenna a chan hnua a suihkhawm dan thu leh inlungrual taka mi zawng zawng an awmho a, inthliarhranna rilru nei lova awmho tura a duh thu tarlan a ni ang.