Saitualah PWD hnuaia SASCI atanga hna thawhte enho

#ZONEWS Saitual November 6, 2025: Vawiin khan Saitual Bawrhsap Dr. Lalngura Tlau kaihhruainain a pisaah PWD hnuaia SASCI atanga hna thawhte enho a ni.

Vawiin thutkhawmah hian PWD department hnuaia Special Assistance to States for Capital Investment (SASCI) atanga Saitual District chhunga hnathawh hrang hrang te enho a ni a, hmalak ngai te sawiho a ni bawk. Tun dinhmunah hian SASCI atangin Circuit house, DC Bangla, Reveneu Staff Quarters te sak mek a ni a, District jail leh District Research Office te thawm that hna thawh mek a ni bawk.

Vawiin thutkhawm hi Saitual Bawrhsap Dr. Lalngura Tlau chuan a kai hruai a, PWD Project Division-III, Aizawl atangin Pu K. Chawngzika, SDO, Pu Lalruatsanga, JE, Pu C. Lalrinchhana, SA te an tel a ni.