LADC INTHLANPUI LO AWM TUR ATAN THIL MAN (RATE) CHI HRANG HRANG NGAIHTUAHA THTUKHAWM NEIH A NI

#ZONEWS Lawngtlai November 7, 2025 : Lai Autonomous District Council (LADC) hnuaia 12th Member of District Council (MDC) inthlanpui 2025 – lo awm tur atan a inbuatsaihna kal zelah vawiin khan Pu Donny Lalruatsanga, District Election Officer ( DEO) kaihruaiin inthlanpui atana thil mamawh ‘rate’ chi hrang hrangte ngaihtuaha thtukhawmna a Office Chamber-ah neih a ni.

Pu Donny Lalruatsanga chuan kalkhawmte hnena lawmthu sawina a nei hmasa a. ADC – huamchhungah inthlanna neihfo a nih angin, theihtawp chhuah a tul hle a ti a. State Election Commission – te pawhin an lo tlawh tawh thu tarlangin, inthlang turin inpeih thawkhat a nih thu a sawi. Inthlanna felfai leh thinghlim nei turin mamawh chi hrang hrang, ei leh in, motor, hotel thlenna, banner, poster leh a dangte leh an man ( rate) te chu uluk taka chhut a ngai a, party lam te pawhin pawmpui turin a sawm a. Candidate – te senso uluk taka endik a nih dawn avangin, fel fai taka an sum hmanna lo chhinchhiahpui tur leh sum hman phal zat pello turin party aiawhte a chah a. Bawrhsap chuan inthlanna tura party – tinte duhsakna hlanin, inthlanna felfai tak neih a beisei thu a tarlang nghal bawk.

Pu Collin Hlychho, Election Officer, chuan report – tawi pekna neiin, candidate- pakhatin sum leh pai a hman theih zat chu cheng nuai khat a nih thu a tarlang a. Party- hmingin sum leh pai hman theih a ni lo tih hrechiang turin party – aiawhte a chah a. Sum leh pai hman theih zat hmang lo tur leh Model Code of Conduct (MCC) puan a nih hunah tha taka lo zawm turin party aiawhte a chah a ni.

Thutkhawmah hian thil man ( rate) chi hrang hrangte chhawpchhuah leh sawiho a ni a. Election Officer – in rate – chi hrang hrang a chhawpchhuahte chu lungawi taka pawm a ni a. Inthlanna fel fai leh thianghlim tak nei turin party- tin ten sum hman phal zat bak an hman loh tur thu an sawi bawk a ni.

Vawiin thtkhawmah hian Pu David Lalrinawma, Returning Officer (RO), Pu PC. Lalrammuanpuia, (Nodal Officer, Expenditure )leh party hrang hrang aiawhte an tel thei a. Pu Donny Lalruatsanga chuan lawmthu sawina neiin hun a khar.