ADVISER TO CM IN ZIRTIRI RESIDENTIAL SCIENCE COLLEGE KAI THARTE LAWMNA LEH KAL CHHUAK TUR TE THLAHNA HMANPUI

#ZONEWS Aizawl July 31, 2025: Vawiin khan Government Zirtiri Residential Science College chuan Fresher Social leh zirlai chhuak turte chawimawina hun Vanapa Hall-ah an hmang a, Pu TBC Lalvenchhunga, Adviser to CM (Finance & Planning) chuan khuallian niin a hmanpui.

Khuallian chuan, zirlaite chu an zirlai tha taka an thiam mai bakah midang nen a khawsakho an thiam a ngai tih a sawi a. Kan zirlai kan thiam ringawt hi dam khawchhuahna atan a kim zo lo va, eizawnna kawng hrang hrang thawh hunah midang zei zia hrethiam tak chunga thawk thei tur a intahhriam a ngai a ni, a ti. Khuallian hian Govt. Zirtiri Residential Science College in a an mamawh em em Auditorium thar an neih theih nan theihtawp chhuahpui a tum thu a tarlang bawk.

Principal Dr. Zirlianngura chuan college chanchin sawiin, Govt. Zirtir Residential Science College ah hian zirtirtu 69, office staff 23 leh zirlai 714 an awm mek a. Science subject hrang hrang te, Home Science leh Computer Science subject zirna te a awm a ni. University exam result hnuhnung ber (2025) khan subject hrang hrangah University topper 5 leh top ten ah mi 34 an lang a, UGC NAAC Accreditation hi vawi thum lai anlo nei tawh a,tunah hian NAAC Grade A an nei mek.

Zirlai te tana Award Lalziki Sailo Award, a sponsor-tu Pi Ethel Lalsangliani Sailo leh Incentive Cash Award hrang hrang sponsortu Er. Sapzova CE PWD te hnenah lawmthu an sawi.

Dr. Samuel Lallianrawnan lawmthu sawiin programme hi a khar a ni.